നമ്മള്‍ എന്ന ഒറ്റ ചിത്രത്തിലൂടെ സിനിമാലോകത്തേക്ക് എത്തിയ നടി ഭാവന ഇന്ന് തെന്നിന്ത്യയൊട്ടാകെ അറിയപ്പെടുന്ന നടിയാണ്. സാമൂഹ്യമാധ്യമങ്ങളിലും സജീവമാണ് ഭാവന. മൃഗങ്ങളോടുള്ള ക്രൂരത അവസാനിപ്പിക്കാൻ ആവശ്യപ്പെട്ട് രംഗത്ത് എത്തിയിരിക്കുകയാണ് ഇപ്പോള്‍ ഭാവന. മുയലുകള്‍ക്ക് തീറ്റ കൊടുക്കുന്ന ഫോട്ടോ പങ്കുവെച്ചുകൊണ്ടാണ് നടിയുടെ അഭ്യര്‍ത്ഥന. അടുത്തിടെ ഒരു നായ പട്ടിണി കിടന്ന് ചത്തതിന്‍റെ വാര്‍ത്തയും ഭാവന ഷെയര്‍ ചെയ്‍തിട്ടുണ്ട്.ഹൃദയഭേദകം എന്നാണ് ആ വാര്‍ത്തയോട് ഭാവന പ്രതികരിച്ചത്. അവയെ സ്‍നേഹിക്കാൻ കഴിയുന്നില്ലെങ്കിലും അവരോട് ക്രൂരത കാട്ടരുതെന്നാണ് താരത്തിന്‍റെ ആവശ്യം.
- " class="align-text-top noRightClick twitterSection" data="
">
കാര്യാട്ടുകരയിലായിരുന്നു പട്ടിണിയെ തുടര്‍ന്ന് ഒരു നായ ചത്തത്. കാര്യാട്ടുകര പ്രശാന്തി നഗറില്‍ വാടകയ്‍ക്ക് താമസിച്ചിരുന്ന നെടുപുഴ തയ്യില്‍ വീട്ടില്‍ ബിസിലിയുടേതായിരുന്നു നായ. ഭക്ഷണവും വെള്ളവും നല്‍കാതെ വീട്ടില്‍ നായയെ പൂട്ടിയിടുകയായിരുന്നു. ആളില്ലാത്ത വീടിനകത്ത് നായയെ പൂട്ടിയിട്ട വിവരം നാട്ടുകാര്‍ അറിയിച്ചതിനെ തുടര്‍ന്ന് മൃഗസ്‍നേഹി സംഘടനാ പ്രവര്‍ത്തകരെത്തി നായയെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. നായയെ കൊണ്ടുപോകാൻ സംഘടനാപ്രവര്‍ത്തകര്‍ എത്തിയപ്പോള്‍ ബിസിലി തടഞ്ഞു. പൊലീസ് എത്തിയാണ് നായയെ പുറത്തെടുത്തത്. സംഭവത്തെ തുടര്‍ന്ന് ബിസിലിക്കെതിരെ കേസ് എടുത്തിട്ടുണ്ട്.
