കുഞ്ഞുങ്ങള്‍ക്കെതിരെയുള്ള അതിക്രമങ്ങള്‍ അവസാനിപ്പിക്കൂ; സിത്താരയുടെ സ്വരമാധുരിയില്‍ പുതിയ ഗാനം

അമ്മക്കിളിയുടെ എന്ന് തുടങ്ങുന്ന ഗാനത്തിന്‍റെ പ്രമോ വീഡിയോയാണ് വൈറലാകുന്നത്. സിത്താര കൃഷ്ണകുമാറാണ് മനോഹര ഗാനം ആലപിച്ചിരിക്കുന്നത്

കുട്ടികള്‍ക്കെതിരെ അതിക്രമങ്ങളും പീഡനങ്ങളും വര്‍ധിച്ച് വരുന്ന സാഹചര്യത്തില്‍ യുട്യൂബില്‍ വൈറലാവുകയാണ് ഇതിനെതിരെ ശബ്ദമുയര്‍ത്താന്‍ ആഹ്വാനം ചെയ്യുന്ന പുതിയ ഗാനം. അമ്മക്കിളിയുടെ എന്ന് തുടങ്ങുന്ന ഗാനത്തിന്‍റെ പ്രമോ വീഡിയോയാണ് വൈറലാകുന്നത്. സിത്താര കൃഷ്ണകുമാറാണ് മനോഹര ഗാനം ആലപിച്ചിരിക്കുന്നത്. മൂന്ന് മിനിറ്റും പന്ത്രണ്ട് സെക്കന്‍റും ദൈര്‍ഘ്യമുള്ള വീഡിയോ അവസാനത്തിലെത്തുമ്പോള്‍ കുഞ്ഞുങ്ങള്‍ക്കെതിരെയുള്ള അതിക്രമങ്ങള്‍ അവസാനിപ്പിക്കൂ എന്ന പ്ലക്കാര്‍ഡ് ഉയര്‍ത്തി നില്‍ക്കുന്ന നടി മഞ്ജു വാര്യരെയും കാണാം.

• " class="align-text-top noRightClick twitterSection" data="">

ഗീതാ പ്രകാശിന്‍റെ വരികള്‍ക്ക് സംഗീതം നല്‍കിയിരിക്കുന്നത് അലോഷ്യ പീറ്ററാണ്. ശബരി വിശ്വമാണ് പ്രമോ ഗാനം സംവിധാനം ചെയ്തിരിക്കുന്നത്. കണ്‍ഫഷന്‍ ഓഫ് എ കുക്കൂ എന്ന സിനിമയിലേതാണ് ഗാനം.