പാര്‍വ്വതി, ആസിഫ് അലി, ടൊവീനോ തോമസ് എന്നിവർ മുഖ്യവേഷത്തിലെത്തിയ 'ഉയരെ' കഴിഞ്ഞ ദിവസമാണ് തിയറ്ററുകളിലെത്തിയത്. റിലീസ് ദിനം മുതൽ തന്നെ മികച്ച പ്രതികരണമാണ് ചിത്രത്തിന് ലഭിച്ചുകൊണ്ടിരിക്കുന്നത്. ചിത്രത്തില്‍ സിത്താരയും വിജയ് യേശുദാസും ചേർന്നാലപിച്ച 'നീ മുകിലോ' എന്നു തുടങ്ങുന്ന ഗാനവും ആരാധകർ ഏറ്റെടുത്ത് കഴിഞ്ഞു. ഇപ്പോഴിതാ ആ ഗാനം സിത്താരയും മകൾ സാവൻ ഋതുവും ചേർന്ന് അതിമനോഹരമായി ആലപിക്കുന്ന വീഡിയോയാണ് സോഷ്യൽ മീഡിയയിൽ വൈറലാകുന്നത്.
- " class="align-text-top noRightClick twitterSection" data="">
സിത്താരയാണ് തൻ്റെ ഫേസ്ബുക്കിൽ പേജിൽ വീഡിയോ പോസ്റ്റ് ചെയ്തിരിക്കുന്നത്. റഫീഖ് അഹമ്മദിൻ്റെ വരികൾക്ക് ഗോപി സുന്ദറാണ് ഈണം നൽകിയിരിക്കുന്നത്. നവാഗതനായ മനു അശോകൻ്റെ സംവിധാനത്തിലൊരുങ്ങിയ ഉയരെ ആസിഡ് ആക്രമണത്തിനിരയായ യുവതിയുടെ കഥയാണ് പറയുന്നത്.
