ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ബാഹുബലി താരം പ്രഭാസ് നായകനായെത്തുന്ന തെലുങ്ക് ചിത്രം സാഹോ. സുജീത്ത് സംവിധാനം ചെയ്യുന്ന ബിഗ് ബജറ്റ് ചിത്രത്തിൻ്റെ രണ്ടാമത്തെ മേക്കിങ് വീഡിയോ പുറത്തിറങ്ങിയിരിക്കുകയാണ്. 'ഷേയ്ഡ്സ് ഓഫ് സാഹോ 2' എന്ന പേരിൽ പുറത്തിയിരിക്കുന്ന വീഡിയോയിൽ നായകൻ പ്രഭാസിൻ്റേയും നായികയായ ബോളിവുഡ് താരം ശ്രദ്ധ കപൂറിൻ്റേയും ആക്ഷൻ രംഗങ്ങളും ഉൾക്കൊള്ളിച്ചിട്ടുണ്ട്. ശ്രദ്ധയുടെ ജന്മദിനത്തിലാണ് അണിയറപ്രവർത്തകർ രണ്ടാമത്തെ മേക്കിങ് വീഡിയോ റിലീസ് ചെയ്തത്.
നിര്‍മ്മാതാക്കളായ യുവി ക്രിയേഷൻ്റെ ഫേസ്ബുക്ക് പേജിലൂടെ പുറത്തുവിട്ട വീഡിയോ സോഷ്യല്‍ മീഡിയയില്‍ മിനിറ്റുകൾക്കകം തന്നെ വൈറലായി മാറിയിരിക്കുകയാണ്. റിലീസ് ചെയ്ത് ആദ്യ മണിക്കൂറിനുള്ളിൽ രണ്ടര ലക്ഷത്തോളം പേരാണ് വീഡിയോ കണ്ടത്. പുതിയ വീഡിയോ പുറത്തിറങ്ങിയതോടെ ചിത്രത്തിൻ്റെ റിലീസിനായുള്ള കാത്തിരിപ്പിലാണ് ആരാധകര്‍.
- " class="align-text-top noRightClick twitterSection" data="">
പ്രഭാസിനേയും ശ്രദ്ധ കപൂറിനേയും കൂടാതെ ജാക്കി ഷ്രോഫ്, നീല്‍ നിതിന്‍ മുകേഷ്, മന്ദിരാ ബേദി, ചങ്കി പാണ്ഡേ, മഹേഷ് മഞ്ജരേക്കര്‍, അരുണ്‍ വിജയ്, മുരളി ശര്‍മ തുടങ്ങിയവരും ചിത്രത്തില്‍ വേഷമിടുന്നുണ്ട്. ശങ്കര്‍-എഹ്സാന്‍-ലോയ് ത്രയങ്ങളാണ് സംഗീതസംവിധാനം നിര്‍വഹിക്കുന്നത്. ചിത്രത്തിലെ ഗാനരചന നിര്‍വഹിച്ചിരിക്കുന്നത് അമിതാബ് ഭട്ടാചാര്യയാണ്. പ്രഭാസിൻ്റെ ജന്മദിനമായ ഒക്ടബോര്‍ 23 ന് പുറത്തവിട്ട ആദ്യ വീഡിയോയും സോഷ്യൽ മീഡിയയില്‍ തരംഗമായിരുന്നു.
