Mohanlal thanks to Suresh Gopi : സുരേഷ്‌ ഗോപിയോടു നന്ദി പറഞ്ഞ് കംപ്ലീറ്റ്‌ ആക്‌ടര്‍ മോഹന്‍ലാല്‍. 'മരക്കാര്‍' റിലീസിനോടനുബന്ധിച്ച് സുരേഷ്‌ ഗോപി പങ്കുവെച്ച പോസ്‌റ്റിന് താഴെയാണ് മോഹന്‍ലാലിന്‍റെ നന്ദി പറച്ചില്‍.
Suresh Gopi's facebook post about Marakkar : 'ലോകമൊട്ടാകെയുള്ള തിയേറ്ററുകളില്‍ പ്രദര്‍ശനം ആരംഭിക്കുന്ന 'മരക്കാര്‍' ടീമിന്, പ്രത്യേകിച്ച് മോഹന്‍ലാല്‍, പ്രിയദര്‍ശന്‍, ആന്‍റണി പെരുമ്പാവൂര്‍ എന്നിവര്‍ക്ക് എല്ലാ വിധ ആശംസകളും നേരുന്നു.' താരത്തിന്‍റെ ഈ പോസ്‌റ്റിന് താഴെയായിരുന്നു മോഹന്‍ലാലിന്‍റെ ഹൃദയത്തില്‍ തൊടുന്ന നന്ദി പറച്ചില്‍.
Mohanlal's thankful reply to Suresh Gopi's post : 'ഹൃദയം നിറഞ്ഞ ആശംസകള്‍ക്ക് നന്ദി പ്രിയപ്പെട്ട സുരേഷ്‌ ഗോപി. ദൈവാനുഗ്രഹത്താല്‍ നമ്മുടെ സിനിമാ മേഖലയും തിയേറ്ററുകളും വീണ്ടും പ്രവര്‍ത്തനനിരതമായി. ഇത് ഇങ്ങനെ തന്നെ തുടരുമെന്ന് പ്രതീക്ഷിക്കുന്നു. ഒരിക്കല്‍ കൂടി 'മരക്കാര്‍' ടീമിന്‍റെ പേരില്‍ ഹൃദയം നിറഞ്ഞ നന്ദി.'-മോഹന്‍ലാല്‍ കുറിച്ചു.
- " class="align-text-top noRightClick twitterSection" data="">
Marakkar release : പ്രേക്ഷകര്‍ നാളേറെയായി കാത്തിരുന്ന 'മരക്കാര്‍ അറബിക്കടലിന്‍റെ സിംഹം' കഴിഞ്ഞ ദിവസമാണ് ആവേശത്തിമിര്‍പ്പോടെ തിയേറ്ററുകളിലെത്തിയത്. മോഹന്‍ലാല്‍ ആരാധകര്‍ ഇരുകരങ്ങളും നീട്ടി സ്വീകരിക്കുമ്പോള്‍ ഒരു വിഭാഗം ചിത്രത്തെ കുറിച്ച് മോശം അഭിപ്രായമാണ് പങ്കുവെയ്‌ക്കുന്നത്. റിലീസിന് മുമ്പേ 100 കോടി ക്ലബ്ബിലിടം പിടിച്ച 'മരക്കാറി'ന് സമ്മിശ്ര പ്രതികരണമാണ് ലഭിച്ചുകൊണ്ടിരിക്കുന്നത്.
Suresh Gopi movie Kaval : ഒരിടവേളയ്‌ക്ക് ശേഷം തിയേറ്ററുകളിലെത്തിയ സുരേഷ്‌ ഗോപി ചിത്രമാണ് 'കാവല്‍'. 'മരക്കാറി'ന് തൊട്ടു മുമ്പ് റിലീസ് ചെയ്‌ത 'കാവല്‍' സുരേഷ്‌ ഗോപിയുടെ തിരിച്ചുവരവ് കൂടിയായിരുന്നു. നിഥിന്‍ രണ്‍ജി പണിക്കര്‍ സംവിധാനം ചെയ്‌ത ചിത്രം ഏറെ പ്രേക്ഷകപ്രശംസ നേടി രണ്ടാം വാരത്തിലേയ്‌ക്ക് കടന്നിരിക്കുകയാണ്.
