Gangubai Kathiawadi new song: 'ഗംഗുഭായ്‌ കത്യവാടി'യിലെ പുതിയ ഗാനം പുറത്തിറങ്ങി. ചിത്രത്തിലെ 'മേരി ജാന്‍' എന്ന ഗാനമാണ് പുറത്തിറങ്ങിയത്‌. പ്രണയത്തെ കുറിച്ചാണ് 'മേരി ജാനില്‍' പറയുന്നത്‌. ഷാന്തനു മഹേശ്വരിയുടെ കഥാപാത്രം ആലിയ ഭട്ടുമായി (ഗംഗുഭായ്‌ കത്യവാടി) പ്രണയത്തിലാകുന്നതാണ് ഗാന രംഗത്തില്‍. ഈ ഗാന രംഗം വിന്‍റേജ്‌ കാറിനുള്ളിലാണ് ചിത്രീകരിച്ചിരിക്കുന്നത്‌.
Meri Jaan in trending: ഗാനം യൂട്യൂബ്‌ ട്രെന്‍ഡിങിലും ഇടംപിടിച്ചിരിക്കുകയാണ്. ട്രെന്‍ഡിങില്‍ എട്ടാമതാണ് മേരി ജാന്‍. ആറ്‌ ദശലക്ഷത്തിനപ്പുറം കാഴ്‌ചക്കാരാണ് ഇതുവരെ ഗാനത്തിന് ലഭിച്ചിരിക്കുന്നത്‌.
കുമാറിന്‍റെ വരികള്‍ക്ക്‌, സഞ്ജയ് ലീലാ ബന്‍സാലിയുടെ സംഗീതത്തില്‍ നീതി മോഹന്‍ ആണ് ഈ ഗാനം ആലപിച്ചിരിക്കുന്നത്‌. 'ഗംഗുഭായ്‌ കത്യവാടി' തിയേറ്ററുകളിലെത്താന്‍ ഇനി ദിവസങ്ങള്‍ ബാക്കിനില്‍ക്കെയാണ് ചിത്രത്തിലെ പുതിയ ഗാനം അണിയറപ്രവര്‍ത്തകര്‍ പുറത്തുവിട്ടിരിക്കുന്നത്‌.
- " class="align-text-top noRightClick twitterSection" data="">
നേരത്തെ പുറത്തിറങ്ങിയ ഗാനരംഗത്തിലും ശാന്തനു മഹേശ്വരിയും ആലിലയും ആയിരുന്നു. ഇരുവരുടെയും പ്രണയം തന്നെയായിരുന്നു 'ജബ്‌ സൈയാന്‍' എന്ന ഗാനത്തിലും.
ആലിയയുടെ കഥാപാത്രം എല്ലാ പ്രതിസന്ധികളെയും നേരിടുന്നതാണ് ഉള്ളടക്കം. ബോംബെയിലെ തെരുവുകളിൽ ഗംഗുഭായിയുടെ അധികാരത്തിലേക്കുള്ള ഉയർച്ചയാണ് ചിത്രം പറയുക. ബോംബെയിലെ കാമാത്തിപുരയിലെ ഒരു പാവപ്പെട്ട പെൺകുട്ടിയിൽ നിന്നും തെരഞ്ഞെടുപ്പ് പോരാട്ടത്തിലേക്കുള്ള ഗംഗുഭായിയുടെയും അവളുടെ യാത്രയുടെയും കഥയാണ് ചിത്രപശ്ചാത്തലം.
Sanjay Leela Bhansali Gangubai Kathiawadi: സഞ്ജയ് ലീല ബൻസാലി സംവിധാനം ചെയ്യുന്ന ചിത്രത്തില്‍ ടൈറ്റില്‍ റോളിലാണ് ആലിയ എത്തുന്നത്‌. ചിത്രത്തിൽ അജയ് ദേവ്ഗണും ഒരു സുപ്രധാന വേഷത്തിൽ എത്തുന്നുണ്ട്.
Alia Bhatt Sanjay Leela Bansali combo: ആലിയ ഇതാദ്യമായാണ് സഞ്ജയ് ലീല ബന്‍സാലി ചിത്രത്തില്‍ വേഷമിടുന്നത്‌. ആര്‍ആര്‍ആര്‍ ആണ് ആലിയയുടെ മറ്റൊരു ബിഗ്‌ റിലീസ്‌ ചിത്രം. രണ്‍ബീര്‍ കപൂറിനൊപ്പമുള്ള 'ബ്രഹ്‌മാസ്‌ത്ര'യും റിലീസ്‌ കാത്തിരിക്കുന്ന ആലിയയുടെ മറ്റൊരു ചിത്രമാണ്.
പ്രശസ്‌ത എഴുത്തുകാരൻ ഹുസൈൻ സെയ്‌ദിയുടെ 'മാഫിയ ക്വീൻസ് ഓഫ് മുംബൈ' എന്ന നോവലിലെ ഒരു അധ്യായത്തെ ആസ്‌പദമാക്കി ഒരുക്കുന്ന പീരീഡ്‌ ചിത്രമാണിത്‌. 1960 കളിൽ മുംബൈയിലെ റെഡ്-ലൈറ്റ് ഏരിയയായ കാമാത്തിപുരയിലെ പ്രധാനിയായ വനിതയായിരുന്നു ഗംഗുഭായ്‌.
Gangubai Kathiawadi cast and crew: വിജയ് റാസ്, ഇന്ദിര തിവാരി, സീമ പഹ്‌വ, ശന്തനു മഹേശ്വരി, ജിം സർഭ്, വരുൺ കപൂർ, ഇന്ദിര തിവാരി എന്നിവരും 'ഗംഗുഭായ്‌ കത്യവാടി'യിൽ അണിനിരക്കും. ബൻസാലിയും ജയന്തിലാൽ ഗാഡയും (പെൻ സ്‌റ്റുഡിയോ) ചേർന്നാണ് നിര്‍മാണം.
Gangubai Kathiawadi release: 2022 ഫെബ്രുവരി 25ന് ചിത്രം തിയേറ്ററുകളിലെത്തും.
Also Read: ട്രെന്‍ഡിങ്‌ നമ്പര്‍ 1 ആയി ഭീംല നായക്‌ ട്രെയിലർ, തിയേറ്ററിലെത്താൻ കാത്തിരിപ്പ്
