തിരുവനന്തപുരം: പുതിയ വീടുകൾ കേന്ദ്രീകരിച്ച് ഇലക്ട്രിക് ഉപകരണങ്ങളും വയറുകളും മോഷണം നടത്തിയ പ്രതി പിടിയിൽ. ചെമ്പഴന്തി ഉദയഗിരി സ്വദേശി സുരേഷാണ് കഴക്കൂട്ടം പൊലീസിന്‍റെ പിടിയിലായത്. കഴക്കൂട്ടത്തെ വിവിധ ഭാഗങ്ങളിലെ വീടുകളില്‍ നിന്നാണ് ഇയാൾ ഇലക്ട്രിക് ഉപകരണങ്ങളും വയറുകളും മോഷ്ടിച്ചത്.
മോഷണമുതൽ ചെമ്പഴന്തി ആനന്ദേശ്വരത്തുള്ള ആക്രിക്കടയില്‍ വിറ്റതായി പൊലീസ് കണ്ടെത്തി. പ്രതിക്കെതിരെ ശ്രീകാര്യം, തുമ്പ സ്റ്റേഷനുകളിൽ നിരവധി കവർച്ചാ കേസുകൾ നിലവിലുണ്ടെന്ന് പൊലീസ് പറഞ്ഞു. കഴക്കൂട്ടം അസിസ്റ്റന്റ് കമ്മീഷ്ണർ പി വി ബേബിയുടെ നേതൃത്വത്തിലുള്ള പൊലീസ് സംഘമാണ് സുരേഷിനെ വലയിലാക്കിയത്. കോടതിയിൽ ഹാജരാക്കിയ പ്രതിയെ റിമാന്‍ഡ് ചെയ്തു.
