കാബൂള്‍: അഫ്ഗാന്‍ സൈന്യം നടത്തിയ വ്യോമാക്രമണത്തില്‍ 11 അല്‍ ക്വയിദ ഭീകരരും രണ്ട് താലിബാന്‍ തീവ്രവാദികളും കൊല്ലപ്പെട്ടതായി റിപ്പോര്‍ട്ട്. ഹെൽമണ്ട് പ്രവിശ്യയിലെ നവ ജില്ലയിലാണ് വ്യാമാക്രണം ഉണ്ടായതെന്ന് അഫ്ഗാൻ പ്രതിരോധ മന്ത്രാലയം അറിയിച്ചു. സ്‌ഫോടക വസ്തുക്കൾ നിർമിക്കാനും ഉപയോഗിക്കാനും അൽ-ക്വയിദ തീവ്രവാദികൾ താലിബാൻ തീവ്രവാദികളെ പരിശീലിപ്പിക്കുകയാണെന്ന് സംശയിക്കുന്നതായും മന്ത്രാലയം വ്യക്തമാക്കി.
കഴിഞ്ഞയാഴ്ച അഫ്ഗാൻ സൈന്യം നടത്തിയ വ്യോമാക്രമണത്തിൽ ഹെൽമണ്ട്, കാന്ദഹാർ പ്രവിശ്യകളിൽ നിരവധി തീവ്രവാദികൾ കൊല്ലപ്പെട്ടിരുന്നു. സെപ്റ്റംബറിൽ ദോഹയിൽ അഫ്ഗാൻ സർക്കാറും താലിബാനും തമ്മിലുള്ള സമാധാന ചർച്ചകൾ ആരംഭിച്ചിരുന്നു. അടുത്ത വർഷം ജനുവരി 5 ന് സമാധാന ചർച്ചകൾ പുനരാരംഭിക്കുമെന്നും അധികൃതര്‍ അറിയിച്ചു.
