സെന്‍റ് ജോൺസ്: വായ്പ തട്ടിപ്പ് നടത്തി രാജ്യം വിട്ട വജ്രവ്യാപാരി മെഹുൽ ചോക്‌സിയെ കാണാതായ കേസുമായി ബന്ധപ്പെട്ട രഹസ്യാന്വേഷണ വിവരങ്ങൾ വെളിപ്പെടുത്താൻ അധികാരമില്ലെന്ന് ആന്റിഗ്വ വിവര മന്ത്രി മെൽഫോർഡ് നിക്കോളാസ്. മെഹുൽ ചോക്‌സിയെ കാണാതായ കേസും ഡൊമിനിക്കയിൽ അവനോടൊപ്പം ഉണ്ടായിരുന്ന പെൺകുട്ടിയെ സംബന്ധിച്ചും ആന്റിഗ്വ മന്ത്രിസഭയിൽ രഹസ്യാന്വേഷണ റിപ്പോർട്ട് സമർപ്പിച്ചു. നടന്നുകൊണ്ടിരിക്കുന്ന അന്വേഷണത്തെ മുൻവിധിയോടെ കാണാമെന്നതിന്‍റെ അടിസ്ഥാനത്തിൽ ഏതെങ്കിലും പ്രത്യേക രഹസ്യാന്വേഷണ വിവരങ്ങൾ വെളിപ്പെടുത്താൻ തനിക്ക് അധികാരമില്ലെന്നായിരുന്നു നിക്കോളാസിന്‍റെ പ്രതികരണം.
Read More……….ഡൊമിനിക്കയിൽ അനധികൃതമായി പ്രവേശിച്ചതിന് മെഹുൽ ചോക്സി മറുപടി നൽകണമെന്ന് ജഡ്‌ജി
കാമുകിയാണെന്ന് ആരോപണമുയര്‍ന്ന പെൺകുട്ടിയെ തന്‍റെ ഭർത്താവിനും മറ്റ് പരിചയക്കാർക്കും അറിയാമെന്ന് ചോക്‌സിയുടെ ഭാര്യ പ്രീതി ചോക്സി നേരത്തെ പറഞ്ഞിരുന്നു. ആന്റിഗ്വ സന്ദർശിക്കുമ്പോൾ അവൾ ഇടയ്ക്കിടെ ഭർത്താവിനൊപ്പം ഉണ്ടാകാറുണ്ടെന്നും അവര്‍ പറയുന്നു. അതേസമയം, മെഹുൽ ചോക്‌സിയെ ഡൊമിനിക്കയിൽ നിന്ന് നേരിട്ട് ഇന്ത്യയിലേക്ക് തിരിച്ചയക്കണമെന്നാണ് ആന്റിഗ്വയുടെയും ബാർബുഡയുടെയും തീരുമാനം. ഇത് സംബന്ധിച്ച് കരീബിയൻ ദ്വീപ് രാജ്യ മന്ത്രിസഭ യോഗത്തിൽ തീരുമാനവുമെടുത്തിട്ടുണ്ട്. 13,500 കോടി രൂപയുടെ പഞ്ചാബ് നാഷണൽ ബാങ്ക് തട്ടിപ്പ് കേസിൽ ചോക്സിയും മരുമകൻ നീരവ് മോദിയും പ്രതികളാണ്. ചോക്സി രാജ്യംവിട്ടു. 2018 ജനുവരിയിൽ ആന്റിഗ്വയുടെയും ബാർബുഡയുടെയും പൗരത്വം അദ്ദേഹത്തിന് ലഭിച്ചു .
