Sushmita Sen Lalit Modi dating: മുന്‍ ലോക സുന്ദരിയും ബോളിവുഡ്‌ താരവുമായ സുസ്‌മിത സെന്നും ഐപിഎല്‍ സ്ഥാപകനും വ്യവസായിയുമായ ലളിത് മോദിയും തമ്മില്‍ ഡേറ്റിങ്ങിലാണെന്ന വാര്‍ത്ത കഴിഞ്ഞ ദിവസം പുറത്തുവന്നിരുന്നു. ലളിത് മോദി തന്‍റെ ഇന്‍സ്‌റ്റഗ്രാം പേജിലൂടെയാണ്‌ സുസ്‌മിതയുമായി ഡേറ്റിങ്ങിലാണെന്ന വാര്‍ത്ത സ്ഥിരീകരിച്ചത്. ഇതിന് പിന്നാലെ സോഷ്യല്‍ മീഡിയയില്‍ തരംഗമായി മാറി സുസ്‌മിത സെന്‍-ലളിത് മോദി ഡേറ്റിങ്‌.
Rohman Shawl reacts Sushmita dating: സുസ്‌മിതയുടെ മുന്‍ കാമുകന്‍ റോമാന്‍ ഷാളും ഡേറ്റിങ്‌ വാര്‍ത്തയോട് പ്രതികരിച്ച് രംഗത്തെത്തി. 'അവര്‍ സന്തോഷമായിട്ടിരിക്കട്ടെ. പ്രണയം സുന്ദരമാണ്. അവള്‍ ഒരാളെ തെരഞ്ഞെടുത്തിട്ടുണ്ടെങ്കില്‍ അദ്ദേഹം അത്രമാത്രം യോഗ്യനാണ്.'-ഇപ്രകാരമാണ് റോമാന്‍ പ്രതികരിച്ചത്.
Rohman Shawl Sushmita Sen dating: 2018ലാണ് സുസ്‌മിതയും റോമാന്‍ ഷാളും ഡേറ്റിങ്‌ ആരംഭിച്ചത്. വേര്‍പിരിയല്‍ വാര്‍ത്ത ഇന്‍സ്‌റ്റഗ്രാം പോസ്‌റ്റിലൂടെ ഇരുവരും പ്രഖ്യാപിച്ചിരുന്നു. 'ഞങ്ങള്‍ സുഹൃത്തുക്കളായാണ് തുടങ്ങിയത്‌. ഞങ്ങള്‍ സുഹൃത്തുക്കളായി തുടരുന്നു. ബന്ധം അവസാനിച്ചിരിക്കുന്നു. പ്രണയം നിലനില്‍ക്കുന്നു. കൂടുതല്‍ അഭ്യൂഹങ്ങള്‍ വേണ്ട'- ഇപ്രകാരമാണ് അന്ന് സുസ്‌മിത കുറിച്ചത്.
Lalit Modi with Sushmita Sen: സുസ്‌മിതയ്‌ക്കൊപ്പമുള്ള നിരവധി ചിത്രങ്ങള്‍ കഴിഞ്ഞ ദിവസം ലളിത് മോദി ഇന്‍സ്‌റ്റഗ്രാമില്‍ പങ്കുവച്ചിരുന്നു. ഇരുവരും തമ്മില്‍ കൂടുതല്‍ അടുത്തിടപഴകുന്ന ചിത്രങ്ങളും അക്കൂട്ടത്തില്‍ ഉണ്ടായിരുന്നു. മാല ദ്വീപിലും ലണ്ടനിലുമൊക്കെ പോയി തിരിച്ചെത്തിയെന്നും വിവാഹം കഴിഞ്ഞിട്ടില്ലെന്നും അധികം വൈകാതെ തന്നെ ആ സന്തോഷവും സംഭവിക്കുമെന്നാണ് ഇന്‍സ്‌റ്റഗ്രാമില്‍ അദ്ദേഹം കുറിച്ചത്. പോസ്‌റ്റിന് പിന്നാലെ നിരവധി പേര്‍ ഇരുവര്‍ക്കും ആശംസകള്‍ അറിയിച്ച് രംഗത്തെത്തിയിരുന്നു.
Sushmita Sen heartfelt note: ലളിത് മോദിയുടെ പോസ്‌റ്റിന് പിന്നാലെ തന്‍റെ സന്തോഷത്തെ കുറിച്ചറിയിച്ച് സുസ്‌മിതയും രംഗത്തെത്തിയിരുന്നു. മക്കളായ അലീസയ്‌ക്കും റെനിക്കും ഒപ്പമുള്ള ഫോട്ടോയുമായാണ് സുസ്‌മിത സന്തോഷം പങ്കുവച്ച് ഇന്‍സ്‌റ്റയിലെത്തിയത്‌. 'സന്തോഷം നിറഞ്ഞ സ്ഥലത്താണ് ഞാനുള്ളത്. കല്യാണം കഴിച്ചിട്ടില്ല, മോതിരമാറ്റം കഴിഞ്ഞിട്ടില്ല. സ്‌നേഹത്താല്‍ ചുറ്റപ്പെട്ടിരിക്കുകയാണ്. ആവശ്യത്തിനുള്ള വ്യക്തത വരുത്തി കഴിഞ്ഞിട്ടുണ്ട്‌. ഇനി ജോലിയിലേക്കും ജീവിതത്തിലേയ്‌ക്കും മടങ്ങാം.' -ഇപ്രകാരമാണ് സുസ്‌മിത കുറിച്ചത്.
Sushmita Sen affairs: ഒരുകാലത്ത് ഗോസിപ്പു കോളങ്ങളില്‍ സ്ഥിരം ഇടംപിടിച്ചിരുന്ന പേരാണ് സുസ്‌മിത സെന്നിന്‍റേത്. ലളിത് മേോദിയും റോമാന്‍ ഷാളും മാത്രമല്ല സുസ്‌മിതയുടെ പേരിനൊപ്പം വാര്‍ത്താതലക്കെട്ടുകളില്‍ നിറഞ്ഞു നിന്നിരുന്നത്. സംവിധായകനായ വിക്രം ഭട്ട്, നടന്‍ രണ്‍ദീപ് ഹൂഡെ എന്നിവരും സുസ്‌മിതയുടെ പ്രണയകഥയിലെ നായകന്‍മാരാണ്. വര്‍ഷങ്ങളോളമായി സുസ്‌മിത പ്രണയത്തിലായിരുന്നുവെങ്കിലും ഒരു ബന്ധവും വിവാഹത്തിലേക്കെത്തിയിരുന്നില്ല.
ഡിസ്‌നി പ്ലസസ്‌ ഹോട്ട്‌സ്‌റ്റാര്‍ സീരീസായ 'ആര്യ'യുടെ രണ്ടാം സീസണിലാണ് സുസ്‌മിത ഏറ്റവും ഒടുവിലായി വേഷമിട്ടത്.
Also Read: ജീവിതത്തിന്‍റെ പുതിയ തുടക്കം; സുസ്‌മിത സെന്നും ലളിത് മോദിയും പ്രണയത്തിൽ; ചിത്രങ്ങൾ പങ്കുവെച്ച് ലളിത്
