Kantara on Amazon Prime: ഋഷഭ്‌ ഷെട്ടിയുടെ 'കാന്താര' ഇനി ഒടിടിയില്‍. ആമസോണ്‍ പ്രൈം വീഡിയോയിലാണ് ചിത്രം സ്‌ട്രീമിങ് ആരംഭിച്ചത്. മികച്ച നിരൂപക പ്രശംസയും പ്രേക്ഷക പ്രീതിയും നേടിയ ചിത്രം ബോക്‌സോഫിസില്‍ വന്‍വിജയമായിരുന്നു. കലക്ഷനിലും വലിയ നേട്ടമുണ്ടാക്കിയതിന് പിന്നാലെയാണ് ചിത്രം ഒടിടിയില്‍ എത്തുന്നത്.
Kantara OTT release: കന്നഡ, മലയാളം, തമിഴ്‌, തെലുഗു എന്നീ നാല് ഭാഷകളിലാണ് നവംബര്‍ 24 മുതല്‍ 'കാന്താര' ആമസോണില്‍ ലഭ്യമാവുക. സെപ്‌റ്റംബര്‍ 30ന് തിയേറ്ററുകളിലെത്തിയ ചിത്രം 50 ദിവസം പൂര്‍ത്തിയാകുന്ന വേളയിലാണ്‌ ഒടിടിയിലെത്തിയത്.
Amazon prime video removed Varaha Roopam song: കോപ്പിയടി വിവാദത്തില്‍ അകപ്പെട്ട ചിത്രത്തിലെ 'വരാഹ രൂപം' എന്ന ഗാനം ഇല്ലാതെയാണ് കാന്താരയുടെ ഒടിടി സ്‌ട്രീമിംഗ്. 'കാന്താര' ഒടിടിയില്‍ എത്തുന്ന വേളയില്‍ തൈക്കുടം ബ്രിഡ്‌ജും പോസ്‌റ്റുമായി സോഷ്യല്‍ മീഡിയയില്‍ എത്തിയിട്ടുണ്ട്. സിനിമയില്‍ നിന്നും വരാഹ രൂപം ഗാനം ഒഴിവാക്കിയതിന് നന്ദി അറിയിച്ച് കൊണ്ടുള്ള പോസ്‌റ്റാണ് തൈക്കുടം ബ്രിഡ്‌ജ് പങ്കുവച്ചത്.
Thaikkudam Bridge Facebook post: 'കാന്താരയില്‍ നിന്നും ഞങ്ങളുടെ 'നവരസം' എന്ന ഗാനത്തിന്‍റെ കോപ്പിയടിച്ച പതിപ്പ് ആമസോണ്‍ പതിപ്പ് നീക്കം ചെയ്‌തു. നീതി ജയിക്കുന്നു! അവകാശങ്ങള്‍ക്കായി പോരാടുന്നതിന് ഹൃദയപൂര്‍വമായ പിന്തുണ നല്‍കിയ ഞങ്ങളുടെ സംഗീത സാഹോദര്യത്തിനും ആരാധകര്‍ക്കും മാധ്യമങ്ങള്‍ക്കും നന്ദി', ഇപ്രകാരമായിരുന്നു തൈക്കുടം ബ്രിഡ്‌ജിന്‍റെ കുറിപ്പ്.
- " class="align-text-top noRightClick twitterSection" data="">
Kantara collection: സംവിധായകന്‍ ഋഷഭ്‌ ഷെട്ടി തന്നെയാണ് ചിത്രത്തില്‍ കേന്ദ്രകഥാപാത്രത്തിലെത്തുന്നതും. പ്രമോദ് ഷെട്ടി, അച്യുത് കുമാര്‍, സപ്‌തമി ഗൗഡ, കിഷോര്‍ തുടങ്ങിയവരും ചിത്രത്തില്‍ സുപ്രധാന വേഷങ്ങളിലുണ്ട്. 393.31 കോടി രൂപയാണ് ഇതുവരെയുള്ള 'കാന്താര'യുടെ ആകെ കലക്ഷന്‍. ഇതില്‍ ഇന്ത്യയില്‍ നിന്നും 359.31 കോടി രൂപയും വിദേശ രാജ്യങ്ങളില്‍ നിന്നും 34 കോടി രൂപയുമാണ് സിനിമയ്‌ക്ക് ലഭിച്ചത്.
Also Read: 'കന്നട' മുഖ്യം, ബോളിവുഡിലേക്ക് തത്‌കാലമില്ല; ഹിന്ദി അരങ്ങേറ്റത്തെ കുറിച്ച് മനസുതുറന്ന് റിഷഭ് ഷെട്ടി
