Priyanka Nick name their baby: മകള്‍ക്ക്‌ പേരിട്ട്‌ പ്രിയങ്ക ചോപ്രയും നിക്ക് ജൊനാസും. മാല്‍ട്ടി മേരി ചോപ്ര എന്നാണ് താരദമ്പതികള്‍ കുഞ്ഞിന് പേരിട്ടിരിക്കുന്നത്‌. ജനന സര്‍ട്ടിഫിക്കറ്റില്‍ മാല്‍ട്ടി എന്നാണ് കുഞ്ഞിന് പേര്‌ നല്‍കിയിരിക്കുന്നത്‌.
Priyanka Nick baby name: സുഗന്ധമുള്ള പുഷ്‌പം അഥവാ ചന്ദ്രപ്രകാശം എന്നാണ് മാല്‍ട്ടി എന്ന പേരിനര്‍ഥം. സംസ്‌കൃതത്തില്‍ നിന്നും ഉത്‌ഭവിച്ച വാക്കാണിത്‌. യേശു ക്രിസ്‌തുവിന്‍റെ മാതാവായ മേരി എന്ന അര്‍ഥമുള്ള പേരും കുഞ്ഞിന്‍റെ പേരിനൊപ്പമുണ്ട്‌. കടലിലെ നക്ഷത്രം എന്നര്‍ഥം വരുന്ന സ്‌റ്റെല്ല മാരിസ്‌ എന്ന ലാറ്റിന്‍ പദത്തില്‍ നിന്നാണ് മേരി എന്ന പേര്‌ സ്വീകരിച്ചത്‌. പ്രിയങ്ക-നിക്ക് ദമ്പതികളുടെ കുഞ്ഞിന്‍റെ പേര്‌ സോഷ്യല്‍ മീഡിയയില്‍ ചര്‍ച്ചയായിരിക്കുകയാണ്.
Priyanka Nick baby: 2022 ജനുവരി 22നാണ് പ്രിയങ്ക-നിക് ദമ്പതികള്‍ക്ക്‌ വാടക ഗര്‍ഭപാത്രത്തിലൂടെ പെണ്‍കുഞ്ഞ്‌ പിറന്നത്‌. അതേസമയം ജനന സര്‍ട്ടിഫിക്കറ്റ്‌ പ്രകാരം ജനുവരി 15ന്‌ സാന്‍ ഡിയോഗോയിലാണ് മാല്‍ട്ടി ജനിച്ചത്‌. മാതാപിതാക്കളായ വിവരം ഇരുവരും സോഷ്യല്‍ മീഡിയയിലൂടെ ആരാധകരെ അറിയിക്കുകയായിരുന്നു. അതേസമയം മകളുടെ ചിത്രം ഇതുവരെ താരദമ്പതികള്‍ പുറത്തുവിട്ടിട്ടില്ല. താരപുത്രിയുടെ ചിത്രം കാണാനുള്ള കാത്തിരിപ്പിലാണ് ആരാധകര്‍.
Priyanka Nick wedding: 2017ല്‍ ഗലെ പുരസ്‌കാര വേദിയില്‍ വച്ചായിരുന്നു പ്രിയങ്കയും നിക്കും ആദ്യമായി കണ്ടുമുട്ടിയത്‌. പിന്നീടീ കൂടക്കാഴ്‌ച പ്രണയത്തിലേയ്‌ക്ക്‌ വഴിമാറി. ശേഷം നിരവധി പൊതുവേദികളില്‍ ഇരുവരും ഒന്നിച്ച്‌ പ്രത്യക്ഷപ്പെട്ടു. 2018 ഡിസംബറില്‍ ഇന്ത്യയില്‍ വച്ചാണ് ഇരുവരും വിവാഹിതരായത്‌. നിക്കിനെക്കാള്‍ 10 വയസ്‌ കൂടുതല്‍ പ്രായമുണ്ട്‌ പ്രിയങ്കയ്‌ക്ക്‌. ഇതിന്‍റെ പേരില്‍ വിവാഹ സമയത്ത്‌ പല വിമര്‍ശനങ്ങളും ഉയര്‍ന്നിരുന്നു.
Priyanka Chopra upcoming movies: 'ജീ ലെ സാറ' ആണ് പ്രിയങ്കയുടെ വരാനിരിക്കുന്ന പ്രോജക്‌ട്‌. ഫറാന്‍ അക്തര്‍ സംവിധാനം ചെയ്യുന്ന ചിത്രത്തില്‍ പ്രിയങ്കയ്‌ക്കൊപ്പം കത്രീന കെയ്‌ഫ്‌, ആലിയ ഭട്ട്‌ എന്നിവരും നായികമാരായെത്തുന്നു. 'ടെക്‌സ്‌റ്റ്‌ ഫോര്‍ യു', 'സിറ്റാഡെല്‍' എന്നിവയാണ്‌ കത്രീനയുടെ മറ്റ്‌ പുതിയ പ്രോജക്‌ടുകള്‍. 'ദ മാട്രിക്‌സ്‌ റെസറക്ഷന്‍സി'ലാണ് പ്രിയങ്ക ഏറ്റവും ഒടുവിലായി വേഷമിട്ടത്‌.
Also Read: നിക്കിനൊപ്പം ഹോളി ആഘോഷിച്ച്‌ പ്രിയങ്ക ചോപ്ര
