Theerppu first look poster: പൃഥ്വിരാജ്, ഇന്ദ്രജിത്ത് എന്നിവര്‍ കേന്ദ്രകഥാപാത്രങ്ങളില്‍ എത്തുന്ന ചിത്രമാണ് 'തീര്‍പ്പ്'. 'സിനിമയുടെ ഫസ്‌റ്റ്‌ലുക്ക് പോസ്‌റ്റര്‍ സോഷ്യല്‍ മീഡിയയില്‍ പുറത്തിറങ്ങി. 'വിധി തീര്‍പ്പിലും പക തീര്‍പ്പിലും ഒരുപോലെ കുടിയേറിയ ഇരുതലയുള്ള ആ ഒറ്റവാക്ക്: തീര്‍പ്പ്', എന്നാണ് സിനിമയുടെ ടാഗ്‌ ലൈന്‍. തോക്കുമായി പൃഥ്വിയും, പുറകിലായി ഇന്ദ്രജിത്ത്, സിദ്ദിഖ്, സൈജു കുറുപ്പ്, ഇഷ തല്‍വാര്‍, ഹന്ന റെജി കോശി എന്നിവരുമാണ് പോസ്‌റ്ററിലുളളത്.
Prithviraj starrer Theerppu: 'കമ്മാരസംഭവ'ത്തിന് ശേഷം രതീഷ് അമ്പാട്ട് സംവിധാനം ചെയ്യുന്ന ചിത്രമാണ് 'തീര്‍പ്പ്'. മുരളി ഗോപിയുടെതാണ് തിരക്കഥ. ലൂസിഫറിന് ശേഷം മുരളി ഗോപിയുടെ തിരക്കഥയില്‍ ഒരുങ്ങുന്ന ചിത്രമെന്ന പ്രത്യേകതയും തീര്‍പ്പിനുണ്ട്. കൊവിഡ്‌ പ്രോട്ടോക്കോളുകള്‍ പാലിച്ച് 48 ദിവസം കൊണ്ടാണ് സിനിമയുടെ ചിത്രീകരണം പൂര്‍ത്തിയാക്കിയത്.
- " class="align-text-top noRightClick twitterSection" data="">
ഫ്രൈഡെ ഫിലിം ഹൗസിന്‍റെ ബാനറില്‍ വിജയ്‌ ബാബുവിനൊപ്പം രതീഷ് അമ്പാട്ടും, മുരളി ഗോപിയും ചേര്‍ന്നാണ് സിനിമയുടെ നിര്‍മാണം. ഹോം സിനിമയ്‌ക്ക് ശേഷം ഈ ബാനറില്‍ റിലീസിനൊരുങ്ങുന്ന ചിത്രം കൂടിയാണിത്. സുനില്‍ കെ എസ് ആണ് ഛായാഗ്രഹണം. ദീപു ജോസഫ്‌ എഡിറ്റിങ് നിര്‍വഹിക്കുന്നു. ഗാനരചനയും സംഗീതവും മുരളി ഗോപിയുടേതാണ്. ഗോപി സുന്ദറാണ് പശ്ചാത്തല സംഗീതം. ഇനിയും നിശ്ചയിച്ചിട്ടില്ലാത്ത സിനിമയുടെ റിലീസ് തീയതി ഉടന്‍ തന്നെ അണിയറപ്രവര്‍ത്തകര്‍ പുറത്തുവിടും.
