മലയാളികളുടെ പ്രിയതാരം മംമ്ത മോഹൻദാസ് (Mamta Mohandas) നായികയായി തെലുഗു ചിത്രം ഒരുങ്ങുന്നു. അജയ് സാമ്രാട്ട് (Ajay Samrat) സംവിധാനം ചെയ്യുന്ന 'രുദ്രാംഗി' (Rudrangi) എന്ന ചിത്രത്തിലാണ് താരം നായികയായി എത്തുന്നത്. ചിത്രത്തിന്‍റെ ട്രെയിലര്‍ പുറത്തുവന്നു.
27 ലക്ഷത്തിലധികം പേരാണ് കഴിഞ്ഞ ദിവസം പുറത്തുവന്ന ചിത്രത്തിന്‍റെ ട്രെയിലർ യൂട്യൂബിൽ ഇതിനോടകം കണ്ടത്. ചിത്രത്തില്‍ 'റാണി ജ്വാല ഭായി'യായാണ് മംമ്ത എത്തുന്നത്. ചരിത്ര പശ്ചാത്തലത്തില്‍ ഒരുക്കിയിരിക്കുന്ന ചിത്രത്തില്‍ മമ്തയുടെ അത്യുഗ്രൻ ആക്ഷൻ രംഗങ്ങളുമുണ്ടാകുമെന്ന് ട്രെയിലറില്‍ നിന്നും വ്യക്തമാണ്.
മമ്തയെ കൂടാതെ ജഗപതി ബാബു, വിമല രാമൻ, ആശിഷ് ഗാന്ധി എന്നിവരും 'രുദ്രാംഗി'യില്‍ പ്രധാന വേഷത്തില്‍ എത്തുന്നു. ജഗപതി ബാബുവിന്‍റെ വില്ലൻ കഥാപാത്രവും ട്രെയിലറില്‍ മുഴച്ചു നിൽക്കുന്നുണ്ട്. രാസമായി ബാലകിഷൻ നിര്‍മിക്കുന്ന ചിത്രം ജൂലൈ ഏഴിന് പ്രദർശനത്തിനെത്തും.
- " class="align-text-top noRightClick twitterSection" data="">
ചിത്രത്തിനായി തിരക്കഥ രചിച്ചിരിക്കുന്നതും സംവിധായകൻ അജയ് സാമ്രാട്ട് തന്നെയാണ്. സന്തോഷ് ഷനമോണിയാണ് ചിത്രത്തിന്‍റെ ഛായാഗ്രാഹകൻ. ഭാനു, അജയ് എന്നിവരാണ് നൃത്തസംവിധാനം.
അതേസമയം 'കേഡി' എന്ന ചിത്രത്തിലൂടെയാണ് മംമ്ത മോഹൻദാസ് തെലുഗു സിനിമ രംഗത്ത് അരങ്ങേറ്റം കുറിക്കുന്നത്. കിരണ്‍ കുമാർ സംവിധാനം ചെയ്‌ത ഈ ആക്ഷൻ ചിത്രത്തിൽ നാഗാര്‍ജുനയായിരുന്നു നായകൻ. 'ജാനകി' എന്ന കഥാപാത്രത്തെയാണ് മംമ്ത ചിത്രത്തിൽ അവതരിപ്പിച്ചത്.
'കിംഗ് ഓഫ് കൊത്ത' ടീസർ റിലീസ് ഇന്ന്: ദുൽഖർ സൽമാൻ നായകനാകുന്ന ചിത്രം 'കിംഗ് ഓഫ് കൊത്ത'യുടെ ടീസര്‍ ഇന്ന് (ബുധനാഴ്‌ച) വൈകിട്ട് ആറ് മണിക്ക് റിലീസ് ചെയ്യും. മെഗാ സ്റ്റാർ മമ്മൂട്ടിയാണ് ചിത്രത്തിന്‍റെ മലയാളം ടീസർ പുറത്തുവിടുക. ചിത്രത്തിന്‍റെ തെലുഗു ടീസര്‍ മഹേഷ് ബാബുവും തമിഴ് ടീസര്‍ ചിമ്പുവും കന്നഡ ടീസര്‍ രക്ഷിത് ഷെട്ടിയും റിലീസ് ചെയ്യുമെന്നാണ് അണിയറ പ്രവര്‍ത്തകര്‍ അറിയിച്ചിരിക്കുന്നത്.
ഒരു ദിവസമല്ല ഒരാഴ്‌ച വരെ ആസ്വദിക്കാന്‍ പറ്റുന്ന ടീസറായിരിക്കും 'കിംഗ് ഓഫ് കൊത്ത'യിലേതായി പുറത്തു വരുന്നതെന്നും നിര്‍മാതാക്കള്‍ ട്വീറ്റ് ചെയ്‌തിരുന്നു. ഏതായാലും ടീസർ റിലീസ് വാർത്ത പുറത്ത് വന്നതിന് പിന്നാലെ ആഘോഷ തിമിർപ്പിലാണ് ദുൽഖർ ആരാധകർ.
നേരത്തെ കൊത്തയിലെ ജനങ്ങളെ പരിചയപ്പെടുത്തുന്നു എന്ന് കുറിച്ച് കൊണ്ട് ദുല്‍ഖര്‍ ചിത്രത്തിന്‍റെ മോഷന്‍ പോസ്‌റ്റര്‍ സമൂഹ മാധ്യമങ്ങളിലൂടെ ആരാധകരുമായി പങ്കുവച്ചിരുന്നു. എട്ട് ദശലക്ഷത്തിലധികം പേരാണ് ഒരു ദിവസം കൊണ്ട് 'കിംഗ് ഓഫ് കൊത്ത' മോഷന്‍ പോസ്‌റ്റര്‍ കണ്ടത്. അഭിലാഷ് ജോഷി സംവിധാനം ചെയ്യുന്ന ഈ ബിഗ് ബജറ്റ് ചിത്രം സീ സ്റ്റുഡിയോസും വേഫേറര്‍ ഫിലിംസുമാണ് നിര്‍മിക്കുന്നത്.
READ MORE: King of Kotha| കാത്തിരിപ്പ് അവസാനിക്കുന്നു; 'കിംഗ് ഓഫ് കൊത്ത' ടീസർ ഇന്നെത്തും
'മാമന്നൻ' റിലീസ് നാളെ: സിനിമാസ്വാദകരുടെ കാത്തിരിപ്പ് അവസാനിപ്പിച്ച് 'മാമന്നൻ' നാളെ (ജൂൺ 29) ലോകമെമ്പാടുമുള്ള തിയേറ്ററുകളില്‍ പ്രദർശനത്തിനെത്തും. സിനിമയില്‍ വടിവേലു (Vadivelu), ഉദയനിധി സ്റ്റാലിൻ (Udhayanidhi Stalin), ഫഹദ് ഫാസിൽ (Fahadh Faasil), കീർത്തി സുരേഷ് (Keerthy Suresh) എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
അടുത്തിടെ അണിയറ പ്രവർത്തകർ പുറത്തുവിട്ട ചിത്രത്തിന്‍റെ ട്രെയിലർ ഏറെ ശ്രദ്ധിക്കപ്പെട്ടിരുന്നു. കാണികളെ കോരിത്തരിപ്പിക്കുന്ന ട്രെയിലർ അവരെ ആകാംക്ഷയുടെയും അമ്പരപ്പിന്‍റെയും കൊടുമുടിയില്‍ എത്തിച്ചാണ് അവസാനിക്കുന്നത്. മലയാളികളുടെ അഭിമാന താരം ഫഹദ് ഫാസില്‍ വില്ലനായാണ് ചിത്രത്തില്‍ എത്തുന്നത്. വടിവേലുവിന്‍റെ ഇന്നുവരെ കാണാത്ത വേറിട്ട പ്രകടനമാകും 'മാമന്ന'നില്‍ ഉണ്ടാവുകയെന്നും അടിവരയിടുന്നതാണ് ട്രെയിലർ.
READ MORE: Maamannan release| 'മാമന്നൻ' റിലീസ് നാളെ; മാരി സെൽവരാജ് മാജിക്കിനായി കാത്ത് സിനിമ ലോകം
