Mammootty meet Oommen Chandy: മുന്‍ മുഖ്യമന്ത്രി ഉമ്മന്‍ ചാണ്ടിക്ക് പിറന്നാള്‍ ആശംസകള്‍ നേര്‍ന്ന് മമ്മൂട്ടി. ഉമ്മന്‍ ചാണ്ടിയുടെ 79-ാം ജന്മദിനമാണ് ഇന്ന്. പിറന്നാള്‍ ദിനത്തില്‍ ഉമ്മന്‍ ചാണ്ടിയെ കൊച്ചിയിലെ വസതിയില്‍ നേരിട്ടെത്തിയാണ് താരം പിറന്നാള്‍ ആശംസകള്‍ നേര്‍ന്നത്.
Mammootty birthday wishes to Oommen Chandy: പിറന്നാള്‍ ആശംസകള്‍ അറിയിക്കാന്‍ വേണ്ടി മാത്രമാണ് താന്‍ നേരിട്ട്‌ എത്തിയതെന്നും അസുഖം ഭേദമായി ഉടന്‍ സുഖം പ്രാപിക്കട്ടെ എന്നും മമ്മൂട്ടി പറഞ്ഞു. ഉമ്മന്‍ ചാണ്ടിക്ക് പൂച്ചെണ്ട് നല്‍കി കൊണ്ടായിരന്നു മമ്മൂട്ടി ആശംസകള്‍ നേര്‍ന്നത്. ഉമ്മന്‍ ചാണ്ടിക്കും കുടുംബത്തിനുമൊപ്പം ഏറെ നേരം ചിലവഴിച്ച ശേഷമാണ് താരം മടങ്ങിയത്. നിര്‍മാതാക്കളായ ആന്‍റോ ജോസഫും ജോര്‍ജും മമ്മൂട്ടിക്കൊപ്പം ഉണ്ടായിരുന്നു.
- " class="align-text-top noRightClick twitterSection" data="">
Oommen Chandy birthday celebrations: പിറന്നാള്‍ ദിവസം രാവിലെ നേതാക്കളും പാര്‍ട്ടി പ്രവര്‍ത്തകരും കേക്ക് മുറിക്കാന്‍ നിര്‍ബന്ധിച്ചെങ്കിലും ഉമ്മന്‍ചാണ്ടി വിസമ്മതിച്ചു. തുടര്‍ന്ന് അദ്ദേഹത്തിന്‍റെ സാന്നിദ്ധ്യത്തില്‍ നേതാക്കളില്‍ ഒരാള്‍ കേക്ക് മുറിച്ചു. ഇവര്‍ക്കൊപ്പം സമയം ചെലവഴിക്കുന്നതിനിടെയാണ് പിറന്നാള്‍ ആശംസകള്‍ അറിയിക്കാന്‍ മമ്മൂട്ടി എത്തിയത്.
ശാരീരിക ബുദ്ധിമുട്ടുകളെ തുടര്‍ന്ന് ആശുപത്രിയില്‍ പ്രവേശിപ്പിച്ചതിന് ശേഷം വിശ്രമത്തിലാണ് ഉമ്മന്‍ ചാണ്ടി. കഴിഞ്ഞ ഒരാഴ്‌ചയായി അദ്ദേഹം ആലുവ രാജഗിരി പാലസ് ഗസ്‌റ്റ് ഹൗസിലായാണ് വിശ്രമം. വിദഗ്‌ധ ചികിത്സയ്‌ക്കായി ജര്‍മനിയില്‍ പോകാന്‍ ഒരുങ്ങുകയാണ് അദ്ദേഹം.
Also Read: കാതല്‍ ലൊക്കേഷനില്‍ കൊച്ചു കൂട്ടുകാര്‍ക്കൊപ്പം മമ്മൂട്ടി
