ഷൈൻ ടോം ചാക്കോ, സ്വാസിക, ഗ്രേസ് ആന്‍റണി എന്നിവർ പ്രധാന വേഷങ്ങളിലെത്തുന്ന ചിത്രം 'വിവേകാനന്ദൻ വൈറലാണ്' നാളെ (ജനുവരി 19) തിയേറ്ററുകളിലേക്ക്. ഒരിടവേളയ്‌ക്ക് ശേഷം മലയാളികളുടെ പ്രിയ സംവിധായകൻ കമൽ ഒരുക്കുന്ന സിനിമയ്‌ക്കായി ഏറെ പ്രതീക്ഷയോടെയാണ് പ്രേക്ഷകർ കാത്തിരിക്കുന്നത്. ഷൈൻ ടോം ചാക്കോയുടെ നൂറാമത് ചിത്രം എന്ന പ്രത്യേകത കൂടിയുണ്ട് 'വിവേകാനന്ദൻ വൈറലാണ്' സിനിമയ്‌ക്ക് (Kamal - Shine Tom Chacko movie Vivekanandan Viralanu to release tomorrow).
നെടിയത്ത് പ്രൊഡക്ഷൻസിന്‍റെ ബാനറിൽ നെടിയത്ത് നസീബും പി എസ് ഷെല്ലി രാജും ചേർന്ന് നിർമിക്കുന്ന ഈ ചിത്രത്തിന്‍റെ രചന നിർവഹിച്ചിരിക്കുന്നതും സംവിധായകൻ കമൽ തന്നെയാണ്. നർമത്തിൽ പൊതിഞ്ഞ് എത്തുന്ന ഈ ചിത്രം കാലികപ്രസക്‌തമായ നിരവധി വിഷയങ്ങൾ കൈകാര്യം ചെയ്യുന്നുണ്ടെന്ന് സംവിധായകൻ നേരത്തെ വ്യക്തമാക്കിയിരുന്നു. മാജിക് ഫ്രെയിംസാണ് 'വിവേകാനന്ദൻ വൈറലാണ്' തിയേറ്ററുകളിൽ എത്തിക്കുന്നത്.
ALSO READ: മൂന്നര വർഷം വെറുതെ ഇരുന്നു, സംവിധാനം മറന്നുപോയി, പ്രമുഖ നടന്‍ വാക്കുപാലിച്ചില്ല : കമൽ
നായികാപ്രധാന്യമുള്ള സിനിമ കൂടിയാകും 'വിവേകാനന്ദൻ വൈറലാണ്' എന്നാണ് സൂചന. നേരത്തെ പുറത്തുവന്ന ചിത്രത്തിന്‍റെ പോസ്റ്ററുകളും ടീസറും ഗാനവുമെല്ലാം ഇക്കാര്യം ഉറപ്പ് തരുന്നുണ്ട്. മെറീന മൈക്കിൾ, ജോണി ആന്‍റണി, മാലാ പാർവതി, മഞ്ജു പിള്ള, നീന കുറുപ്പ്, ആദ്യാ, സിദ്ധാർത്ഥ ശിവ, ശരത് സഭ, പ്രമോദ് വെളിയനാട്, ജോസുകുട്ടി, രമ്യ സുരേഷ്, നിയാസ് ബക്കർ, സ്‌മിനു സിജോ, വിനീത് തട്ടിൽ, അനുഷാ മോഹൻ തുടങ്ങിയവരാണ് ചിത്രത്തിൽ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
പ്രകാശ്‌ വേലായുധനാണ് ചിത്രത്തിന്‍റെ ഛായാഗ്രാഹകൻ. എഡിറ്റിംഗ് രഞ്ജൻ എബ്രഹാമും നിർവഹിക്കുന്നു. കമാലുദ്ധീൻ സലീം, സുരേഷ് എസ് എ കെ എന്നിവരാണ് ചിത്രത്തിന്‍റെ സഹനിർമാതാക്കൾ. ആര്‍ട്ട്‌ ഡയറക്‌ടർ - ഇന്ദുലാല്‍, വസ്‌ത്രാലങ്കാരം - സമീറ സനീഷ്, മേക്കപ്പ് - പാണ്ഡ്യന്‍, പ്രൊഡക്ഷന്‍ കണ്‍ട്രോളര്‍ - ഗിരീഷ്‌ കൊടുങ്ങല്ലൂര്‍, ചീഫ് അസോസിയേറ്റ് ഡയറക്‌ടര്‍ - ബഷീര്‍ കാഞ്ഞങ്ങാട്, സ്റ്റില്‍ ഫോട്ടോഗ്രാഫര്‍ - സലീഷ് പെരിങ്ങോട്ടുകര, പ്രൊഡക്ഷന്‍ ഡിസൈനർ - ഗോകുൽ ദാസ്, പ്രൊഡക്ഷന്‍ എക്‌സിക്യുട്ടീവ് - എസാന്‍ കെ എസ്‌തപ്പാന്‍, പ്രൊഡക്ഷൻ മാനേജർ - നികേഷ് നാരായണൻ, പി ആര്‍ ഒ - വാഴൂർ ജോസ്, ആതിര ദില്‍ജിത്ത്, ഡിജിറ്റൽ മാർക്കറ്റിംഗ് - അനൂപ് സുന്ദരൻ എന്നിവരാണ് സിനിമയിലെ മറ്റ് അണിയറ പ്രവർത്തകർ.
ALSO READ: വൈറലാകാൻ വിവേകാനന്ദനും ടീമും സെറ്റാണ് ; താരസമ്പന്നമായി ഓഡിയോ ലോഞ്ച്
