കാളിദാസ് ജയറാം നായകനാകുന്ന ഏറ്റവും പുതിയ ചിത്രം 'രജനി' നാളെ (ഡിസംബര്‍ 8) തിയേറ്ററുകളിലേക്ക് എത്തുകയാണ്. ഇപ്പോഴിതാ രജനിയുടെ പ്രീ- റിലീസ് ടീസര്‍ പുറത്തുവിട്ടിരിക്കുകയാണ് അണിയറ പ്രവർത്തകർ (Rajni Movie Pre-release Teaser). സിനിമയുടെ റിലീസിനായി ആകാക്ഷപൂർവം കാത്തിരിക്കുന്ന പ്രേക്ഷകരുടെ പ്രതീക്ഷകൾ ഇരട്ടിയാക്കുന്നതാണ് ടീസർ.
- " class="align-text-top noRightClick twitterSection" data="">
നവാഗതനായ വിനില്‍ സ്‌കറിയ വർഗീസാണ് 'രജനി' തിരക്കഥയെഴുതി സംവിധാനം ചെയ്യുന്നത്. ഇൻവെസ്റ്റിഗേറ്റീവ് ക്രൈം ത്രില്ലർ ജോണറിൽ മലയാളത്തിലും തമിഴിലും ദ്വിഭാഷ സിനിമയായാണ് 'രജനി' ഒരുക്കിയിരിക്കുന്നത്. നമിത പ്രമോദാണ് ചിത്രത്തിലെ നായിക.
പരസ്യ കലാരംഗത്തെ പ്രഗല്‍ഭരായ നവരസ ഗ്രൂപ്പ് ആദ്യമായി നിർമിക്കുന്ന ചിത്രം കൂടിയാണ് 'രജനി'. നവരസ ഫിലിംസിന്‍റെ ബാനറില്‍ ശ്രീജിത്ത് കെ എസ്, ബ്ലെസി ശ്രീജിത്ത് എന്നിവരാണ് ഈ ചിത്രത്തിന്‍റെ നിർമാണം. സൈജു കുറുപ്പ്, ലക്ഷ്‌മി ഗോപാലസ്വാമി, റെബ മോണിക്ക ജോണ്‍, അശ്വിന്‍ കുമാര്‍, ശ്രീകാന്ത് മുരളി, വിന്‍സന്‍റ് വടക്കന്‍, രമേശ്, രാമു, ഷോണ്‍ റോമി, കരുണാകരന്‍ എന്നിവരാണ് ചിത്രത്തിൽ മറ്റ് പ്രധാന വേഷങ്ങളില്‍ അഭിനയിക്കുന്നത്.
വിന്‍സെന്‍റ് വടക്കന്‍ ആണ് ചിത്രത്തിന്‍റെ സംഭാഷണങ്ങൾ രചിച്ചിരിക്കുന്നത്. തമിഴ് സംഭാഷണം എഴുതിയിരിക്കുന്നത് ഡേവിഡ് കെ രാജൻ ആണ്. ആര്‍ ആര്‍ വിഷ്‌ണുവാണ് സിനിമയുടെ ഛായാഗ്രഹണം നിർവഹിക്കുന്നത്. ദീപു ജോസഫ് ആണ് എഡിറ്റര്‍.
READ MORE: 'കണ്ണുനീർ തുള്ളികൾ...'; ആസ്വാദകമനം കീഴടക്കി 'രജനി'യിലെ മെലഡി
4 മ്യൂസിക്‌സ് ആണ് ചിത്രത്തിന് സംഗീതം ഒരുക്കുന്നത്. അടുത്തിടെ പുറത്തുവന്ന ചിത്രത്തിലെ 'കണ്ണുനീർ തുള്ളികൾ...' എന്ന് തുടങ്ങുന്ന ഗാനം മികച്ച പ്രതികരണം നേടിയിരുന്നു (Kannuneer Thullikal lyric video from Rajni movie). ഹൃദയം കവരുന്ന മെലഡിയെന്നാണ് ഗാനത്തെ കുറിച്ചുള്ള പ്രേക്ഷക പ്രതികരണങ്ങൾ.
പ്രൊഡക്ഷന്‍ കണ്‍ട്രോളര്‍ - ജാവേദ് ചെമ്പ്, കല- ബംഗ്ലാന്‍, മേക്കപ്പ് - റോണക്‌സ് സേവ്യര്‍, വസ്‌ത്രാലങ്കാരം - ധന്യ ബാലകൃഷ്‌ണന്‍, സ്റ്റില്‍സ് - രാഹുല്‍ രാജ് ആര്‍, ഷിബു പന്തലക്കോട്, സൗണ്ട് ഡിസൈനർ - രംഗനാഥ് രവി, ക്രിയേറ്റീവ് ഡയറക്‌ടർ - ശ്രീജിത്ത് കോടോത്ത്, തമിഴ് സംഭാഷണം - ഡേവിഡ് കെ രാജൻ, കല - ആഷിക് എസ്, സംഘട്ടനം - അഷ്റഫ് ഗുരുക്കൾ, നൂർ കെ, ഗണേഷ് കുമാർ, ചീഫ് അസോസിയേറ്റ് - ഡയറക്ടേഴ്‌സ് വിനോദ് പി എം, വിശാഖ് ആർ വാര്യർ, അസോസിയേറ്റ് പ്രൊഡ്യൂസർ - അഭിജിത്ത് എസ് നായർ, പ്രൊഡക്ഷൻ എക്‌സിക്യുട്ടീവ് - ഷമീജ് കൊയിലാണ്ടി, ശക്തിവേൽ, ഡി ഐ കളറിസ്റ്റ് - രമേശ് സി പി, മിക്‌സിങ് എൻജിനീയർ - വിപിൻ നായർ എന്നിവർ ചിത്രത്തിലെ മറ്റ് അണിയറ പ്രവർത്തകരാണ്.
READ ALSO: കാളിദാസിന്‍റെ 'രജനി' വരുന്നു ; റിലീസ് തീയതി പുറത്ത്
