ധ്യാൻ ശ്രീനിവാസന്‍റേതായി (Dhyan Sreenivasan) റിലീസിനൊരുങ്ങുന്ന ഏറ്റവും പുതിയ ചിത്രമാണ് 'ചീനാ ട്രോഫി' (Cheena Trophy). അനില്‍ ലാല്‍ (Anil Lal) സംവിധാനം ചെയ്‌ത ചിത്രം റിലീസിനോടടുക്കുകയാണ്. നാളെയാണ് (ഡിസംബര്‍ 8) ചിത്രം തിയേറ്ററുകളില്‍ എത്തുന്നത്.
തിയേറ്ററുകളില്‍ എത്തുന്നതിന് മുന്നോടിയായി സിനിമയിലെ പുതിയ ഗാനം (Cheena Trophy Song) പുറത്തുവിട്ടിരിക്കുകയാണ് അണിയറപ്രവര്‍ത്തകര്‍. ചിത്രത്തിലെ 'മഞ്ഞേറുന്നേ' (Manjerunne song from Cheena Trophy) എന്ന ഗാനമാണ് പുറത്തു വിട്ടത്. അനില്‍ ലാലിന്‍റെ സംഗീതത്തില്‍ സൂരജ് സന്തോഷും വര്‍ക്കിയും ചേര്‍ന്നാണ് ഈ ഗാനത്തിന് സംഗീതം പകര്‍ന്നിരിക്കുന്നത്.
Also Read: 'ചൂടാറുംനേരം' മേക്കിംഗ് വീഡിയോ പുറത്ത്; ധ്യാനിന്‍റെ 'ചീനാ ട്രോഫി' ഡിസംബർ 8ന്
ചിത്രത്തില്‍ ധ്യാനിന്‍റെ നായികയായി എത്തുന്നത് കെന്‍ഡി സിര്‍ദോ ആണ്. സൗബിന്‍ ഷാഹിറിന്‍റെ 'ആന്ഡ്രോയ്ഡ് കുഞ്ഞപ്പനി'ലും കെന്‍ഡി സിര്‍ദോ ആണ് നായികയായി എത്തിയത്. അരുണാചല്‍ പ്രദേശ് സ്വദേശിയായ കെന്‍ഡിയുടെ ആദ്യ ചിത്രമായിരുന്നു 'ആന്ഡ്രോയ്ഡ് കുഞ്ഞപ്പന്‍'.
- " class="align-text-top noRightClick twitterSection" data="">
പ്രശസ്‌ത ഷെഫ് സുരേഷ് പിള്ളയും സുപ്രധാന വേഷത്തില്‍ എത്തുന്നുണ്ട്. കൂടാതെ ജാഫര്‍ ഇടുക്കി, ജോണി ആന്‍റണി, സുധീഷ്, സുനില്‍ ബാബു, പൊന്നമ്മ ബാബു, നാരായണന്‍ കുട്ടി, കെപിഎസി ലീല, ദേവിക രമേഷ്, ജോര്‍ഡി പൂഞ്ഞാര്‍, വരദ, ബിട്ടു തോമസ് തുടങ്ങിയവരും ചിത്രത്തില്‍ അണിനിരക്കുന്നു.
വളരെ രസകരമായ ഒരു കോമഡി എന്‍റര്‍ടെയ്‌നറായാണ് 'ചീനാ ട്രോഫി' പ്രേക്ഷകരിലേക്ക് എത്തുന്നത്. പ്രസിഡന്‍ഷ്യല്‍ മൂവീസ് പ്രൈവറ്റ് ലിമിറ്റഡിന്‍റെ ബാനറില്‍ ലിജോ ഉലഹന്നാൻ, അനൂപ് മോഹൻ, ആഷ്ലിൻ മേരി ജോയ് എന്നിവര്‍ ചേര്‍ന്നാണ് നിര്‍മാണം. സന്തോഷ് അണിമ ഛായാഗ്രഹണവും രഞ്ജൻ എബ്രഹാം എഡിറ്റിങ്ങും നിര്‍വഹിച്ചിരിക്കുന്നു. വര്‍ക്കി, സൂരജ് സന്തോഷ് എന്നിവര്‍ ചേര്‍ന്നാണ് ചിത്രത്തിലെ ഗാനങ്ങള്‍ക്ക് സംഗീതം ഒരുക്കിയിരിക്കുന്നത്.
കല - അസീസ് കരുവാരക്കുണ്ട്, പശ്ചാത്തല സംഗീതം - വർക്കി, കോസ്റ്റ്യൂംസ് - ശരണ്യ, മേക്കപ്പ് - സജിത്ത് വിതുര, അമൽ, ചീഫ് അസോസിയേറ്റ് ഡയറക്‌ടർ - ഉമേഷ്‌ എസ് നായർ, സൗണ്ട് ഡിസൈൻ - അരുൺ രാമവർമ്മ, പ്രൊഡക്ഷൻ കൺട്രോളർ - സനൂപ്, പ്രോജക്‌ട്‌ ഡിസൈൻ - ബാദുഷ എൻ എം, കളറിസ്‌റ്റ്‌ - ശ്രീക് വാരിയർ, ഫൈനല്‍ മിക്‌സ്‌ - നാക്ക് സ്‌റ്റുഡിയോ ചെന്നൈ, മിക്‌സ്‌ എഞ്ചിനീയര്‍ - ടി ഉദയകുമാർ, ഡിജിറ്റൽ മാർക്കറ്റിങ് - അനൂപ് സുന്ദരൻ, പിആര്‍ഒ - വാഴൂർ ജോസ്, ആതിര ദിൽജിത്ത് എന്നിവരും നിര്‍വഹിച്ചു.
