Vaathi song: ധനുഷ് നായകനായെത്തുന്ന ഏറ്റവും പുതിയ ചിത്രമാണ് 'വാത്തി'. ചിത്രത്തിലെ ലിറിക്കല്‍ വീഡിയോ ഗാനം പുറത്തിറങ്ങി. വെങ്കി അറ്റ്‌ലൂരി സംവിധാനം ചെയ്യുന്ന ചിത്രത്തിലെ ആദ്യ ഗാനമാണ് അണിയറ പ്രവര്‍ത്തകര്‍ പുറത്തുവിട്ടത്.
സിനിമയിലെ 'വാ വാത്തി' എന്ന ഗാനമാണ് പുറത്തിറങ്ങിയത്. ധനുഷ് ആണ് രചയിതാവ്. ജിവി പ്രകാശ് കുമാറിന്‍റെ സംഗീതത്തില്‍ ശ്വേത മോഹന്‍ ആണ് ആലപിച്ചിരിക്കുന്നത്.
- " class="align-text-top noRightClick twitterSection" data="">
മലയാളി താരം സംയുക്ത മേനോന്‍ ആണ് ചിത്രത്തില്‍ ധനുഷിന്‍റെ നായികയായെത്തുക. ഡിസംബര്‍ രണ്ടിനാണ് 'വാത്തി' റിലീസിനെത്തുന്നത്. സിനിമയുടെ ഓഡിയോ റൈറ്റ്‌സ്‌ 3.75 കോടി രൂപയ്‌ക്ക് ആദിത്യ മ്യൂസിക് ആണ് സ്വന്തമാക്കിയിരിക്കുന്നത്.
Also Read: 'വാത്തി കമ്മിങ്', വിജയമാവര്‍ത്തിക്കാന്‍ ധനുഷ്, റിലീസ് ഡേറ്റ് പുറത്ത്
സമുദ്രക്കനി, സായ് കുമാര്‍, തനികെല്ല ഭരണി, തോട്ടപ്പള്ളി മധു, ഹരീഷ് പേരടി, പ്രവീണ എന്നിവരും സിനിമയില്‍ അണിനിരക്കും. സംവിധായകന്‍ വെങ്കി അറ്റ്‌ലൂരി തന്നെയാണ് ചിത്രത്തിന്‍റെ തിരക്കഥ ഒരുക്കിയിരിക്കുന്നത്. ഗവംശി എസും സായ് സൗജന്യയും ചേര്‍ന്നാണ് നിര്‍മാണം. നവീന്‍ നൂളി ചിത്രസംയോജനം നിര്‍വഹിക്കും.
