സൗദി പ്രോ ലീഗ് ക്ലബ് അൽ ഹിലാലുമായുള്ള കരാർ അവസാനിപ്പിച്ച് ബ്രസീലിയൻ സൂപ്പർതാരം നെയ്‌മര്‍ ജൂനിയര്‍. ഫുട്‌ബോള്‍ ലോകത്തെ ഞെട്ടിച്ച് 2023ലായിരുന്നു റെക്കോർഡ് തുകയ്ക്ക് താരം അൽ ഹിലാലിലേക്ക് ചേക്കേറിയത്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
16 കോടി യൂറോ (ഏകദേശം 1450 കോടി രൂപ) പ്രതിഫലമായിരുന്നു അൽ ഹിലാലിന്‍റെ ഓഫര്‍. ട്രാൻസ്ഫർ ഫീ ആയി പിഎസ്‌ജിക്ക് 9 കോടി യൂറോയും (ഏകദേശം 816 കോടി രൂപ) നൽകി. എന്നാല്‍ പരുക്കുമൂലം കുറച്ചു മത്സരങ്ങളിൽ മാത്രമാണ് താരത്തിന് കളിക്കാനായത്. ഏഴു മത്സരങ്ങളിലാണ് അൽ ഹിലാൽ ജഴ്‌സിയണിഞ്ഞത്. എന്നാല്‍ 2024ല്‍ വെറും രണ്ട് മത്സരങ്ങളില്‍ മാത്രമാണ് ക്ലബിനായി താരം കളിച്ചത്. അതും വെറും 42 മിനിറ്റുകള്‍ മാത്രമേ താരം കളത്തിലിറങ്ങിയിട്ടുള്ളു.
Full club statement 🔹 pic.twitter.com/oxOrPUereF
— AlHilal Saudi Club (@Alhilal_EN) January 27, 2025
ഫ്രഞ്ച് ക്ലബ് പിഎസ്‌ജിയിൽ നിന്നാണ് അൽ ഹിലാൽ താരത്തെ വാങ്ങിയത്. ബ്രസീലില്‍ താന്‍ പണ്ട് കളിച്ചുവളര്‍ന്ന സാന്‍റോസിലേക്ക് നെയ്‌മര്‍ തിരികെ പോകുമെന്നാണ് റിപ്പോർട്ടുകൾ. ക്രിസ്റ്റ്യാനോ റൊണാൾഡോയ്ക്കു പിന്നാലെയാണ് നെയ്മാറും സൗദിയിലെത്തിയത്.
രണ്ടു വർഷത്തെ കരാറിൽ ക്ലബിലെത്തിയ താരത്തിന് കരാർപ്രകാരം ഇനിയും ഏഴു മാസം കൂടി ബാക്കിയുണ്ട്. അതിനിടെയാണ് പരസ്പര ധാരണയോടെ പിരിയുന്നത്. 2023 ഒക്‌ടോബറിൽ നടന്ന ലോകകപ്പ് യോഗ്യതാ മത്സരത്തിനിടെ കാൽമുട്ടിലെ പരിക്കിനെ തുടര്‍ന്ന് നെയ്‌മറിന് പിന്നീട് കളിക്കാന്‍ കഴിഞ്ഞില്ലായിരുന്നു. ഇതിനു ശേഷമായിരുന്നു സൗദിയിലേക്കുള്ള കൂടുമാറ്റം.
🚨💣 Neymar Jr back to Santos, story confirmed and HERE WE GO! ⚪️⚫️🇧🇷
— Fabrizio Romano (@FabrizioRomano) January 27, 2025
Al Hilal have terminated Ney’s contract with immediate effect as the Brazilian will now travel for medical and sign in as new Santos player.
Back to Santos, back to Vila Belmiro.
Ney volta pra casa. 🔙🏡 pic.twitter.com/gmPu9uVdNa
സ്പാനിഷ് ക്ലബ് ബാഴ്‌സലോണയിൽ നിന്ന് 2017ലാണ് നെയ്‌മറിനെ പിഎസ്‌ജി സ്വന്തമാക്കിയത്. ക്ലബ്ബിനു വേണ്ടി 173 മത്സരങ്ങളിൽ നിന്നായി 118 ഗോളുകൾ നേടിയ നെയ്മാർ അഞ്ച് ലീഗ് വൺ കിരീടനേട്ടങ്ങളിൽ പങ്കാളിയായി. അതേസമയം 2026ലെ ലോകകപ്പ് തന്‍റെ കരിയറിലെ അവസാനത്തേതാണെന്ന് നെയ്‌മര്‍ പറഞ്ഞിരുന്നു. സിഎന്‍എന്നിനോട് സംസാരിച്ച താരം യുഎസ്എ, കാനഡ, മെക്സിക്കോ എന്നീ രാജ്യങ്ങള്‍ ആതിഥേയത്വം വഹിക്കുന്ന ലോകകപ്പില്‍ തന്‍റെ കഴിവിന്‍റെ പരമാവധി ചെയ്യുമെന്നും പ്രതികരിച്ചു.
- Also Read: താലിബാന് വിലക്ക്; ഒടുവില് ഈ രാജ്യത്ത് ക്രിക്കറ്റ് കളിക്കാനൊരുങ്ങി അഫ്ഗാന് വനിതകള് - AFGHAN WOMEN CRICKET TEAM
- Also Read: കൊടും തണുപ്പില് ആവേശച്ചൂടിലേക്ക് കായിക ഇന്ത്യ; ദേശീയ ഗെയിംസിന് ഇന്ന് ഉത്തരാഖണ്ഡില് തുടക്കം - 38TH NATIONAL GAMES INAUGURATION
- Also Read: അന്യ സ്ത്രീകളെ സ്പര്ശിക്കില്ല; വൈശാലിയുടെ ഹസ്തദാനം നിരസിച്ച് ഉസ്ബക്ക് ഗ്രാന്ഡ് മാസ്റ്റര്, വിമര്ശനത്തിന് പിന്നാലെ ക്ഷമാപണം - NODIRBEK YAKUBBOEV VAISHALI ROW
