ഹൈദരാബാദ്: തെന്നിന്ത്യൻ സൂപ്പർതാരം അല്ലു അർജുൻ ഇന്ന് തൻ്റെ 41-ാം ജന്മദിനം ആഘോഷിക്കുന്നു. അല്ലുവിൻ്റെ പിറന്നാളിനെ തുടർന്ന് പുറത്തുവിട്ട പുഷ്‌പ ടീസർ ഇതിനോടകം തന്നെ സമൂഹമാധ്യമങ്ങളിൽ വൈറലായി കഴിഞ്ഞു. ഇൻസ്റ്റഗ്രാമിൽ മുഴുവൻ പുഷ്‌പയുടെതായി പുറത്തുവന്ന ട്രെയിലറിൻ്റെ വിശേഷങ്ങളും ചിത്രങ്ങളുമാണ് പ്രചരിക്കുന്നത്.
സോഷ്യൽ മീഡിയ മുഴുവൻ അല്ലുവിൻ്റെ പുഷ്‌പ 2ൻ്റെ വാർത്തകളും ദൃശ്യങ്ങളും നിറയുമ്പോൾ ഏവരും അല്ലുവിൻ്റെ പിറന്നാൾ ആഘോഷത്തിൻ്റെ ചിത്രങ്ങൾക്കു വേണ്ടിയുള്ള തെരച്ചിലിൽ ആയിരുന്നു. അല്ലു അർജുൻ ആരാധകർക്ക് ആശ്വാസമായി അല്ലുവിൻ്റെ പിറന്നാൾ ദിവസത്തെ ഫോട്ടോ പങ്കുവയ്‌ക്കുകയാണ് സൂപ്പര്‍താരത്തിന്‍റെ ഭാര്യ അല്ലു സ്നേഹ റെഡ്ഡി. അല്ലുവിൻ്റെ ജന്മദിനത്തിൻ്റെ തലേ ദിവസം മുതൽ തുടങ്ങിയ ആരാധകരുടെ ആഘോഷം ഇപ്പോൾ ഈ ചിത്രം കൂടെ പുറത്തു വന്നതോടെ ഇരട്ടിയായിരിക്കുകയാണ്. നടൻ തൻ്റെ 41-ാം ജന്മദിനത്തിൽ തൻ്റെ ഏറ്റവും അടുത്ത സുഹൃത്തുക്കളും, ബന്ധുക്കളുമായി നടത്തിയ ബർത്ത് ഡേ പാർട്ടിയിൽ നിന്നുള്ള ചിത്രങ്ങളാണ് നടൻ്റെ ഭാര്യ അല്ലു സ്നേഹ റെഡ്ഡി തൻ്റെ ഔദ്യോഗിക ഇൻസ്റ്റഗ്രാം ഹാൻഡിലിൽ പങ്കുവച്ചത്.
അല്ലു അർജുനൊപ്പം ഭാര്യ അല്ലു സ്നേഹ റെഡ്ഡി: തൻ്റെ വസ്‌ത്രധാരണത്തിൽ ഏറെ ശ്രദ്ധ ചെലുത്തുന്ന അല്ലു അർജുനൊപ്പം പൂക്കളുടെ ഡിസൈനോട് കൂടിയുള്ള ഒരു പിങ്ക് കളർ വസ്‌ത്രം ധരിച്ച് ഏറെ സുന്ദരിയായാണ് സ്‌നേഹയെ കാണാൻ സാധിക്കുന്നത്. അതേസമയം സൂപ്പർ സ്റ്റാർ അല്ലു കറുപ്പും വെളുപ്പും പ്രിൻ്റ് ചെയ്‌ത ഷർട്ടും, ഷെയ്‌ഡ്‌സും, കയ്യിൽ കുറച്ചു ചരടുകളും ധരിച്ച് തൻ്റെ ഏറ്റവും പുതിയ സിനിമയായ ‘പുഷ്‌പ ദ റൂൾ’ന് വേണ്ടി വളർത്തിയ നീണ്ട മുടി ഒതുക്കി വച്ച് വളരെ സ്റ്റൈലിഷായാണ് ഫോട്ടോയിൽ കാണപ്പെടുന്നത്.
ഹാപ്പി ബർത്ത്‌ഡേ: തൻ്റെ ഭാര്യയെ കെട്ടിപിടിച്ച് ഒരുപാട് കേക്കുകൾകൊണ്ട് അലങ്കരിച്ച ഒരു മേശക്ക് പിറകിൽ നിൽക്കുന്ന അല്ലുവിനെയാണ് ചിത്രത്തിൽ കാണാൻ സാധിക്കുന്നത്. അല്ലുവിൻ്റെ മുന്നിൽ ഇരിക്കുന്ന ഫോണിലെ സമയം 11.59 ആയതുകൊണ്ട് തന്നെ താരം തൻ്റെ പിറന്നാളിന് ഒരു മിനിറ്റ് മുൻപ് അർധ രാത്രി കേക്കു മുറിക്കാൻ തുടങ്ങുമ്പോൾ എടുത്ത ചിത്രമാണ് ഇതെന്ന് വ്യക്തമാണ്. 'ഹാപ്പി ബർത്ത്‌ഡേ' എന്നെഴുതി ഹാർട്ട് സ്റ്റിക്കറുകളും ഉൾപ്പെടുത്തി അല്ലുവിനെ ടാഗ് ചെയ്‌തുകൊണ്ടാണ് സ്നേഹ റെഡ്ഡി ചിത്രങ്ങൾ പങ്കുവച്ചിരിക്കുന്നത്.
also read: പുഷ്‌പയുടെ ഭരണം തുടങ്ങി, പെണ്‍ വേഷത്തില്‍ ഫസ്‌റ്റ് ലുക്ക് പുറത്ത്
പുഷ്‌പ ദ റൂൾ: അതേസമയം സുകുമാർ സംവിധാനം ചെയ്‌ത പുഷ്‌പ: ദി റൂൾ എന്ന ചിത്രത്തിലൂടെ അല്ലുവിന്‍റെ പുഷ്‌പ രാജ് ബിഗ് സ്‌ക്രീനുകളിലേക്ക് വീണ്ടും വരാന്‍ ഒരുങ്ങുകയാണ്. ‘പുഷ്‌പ ദ റൂൾ’ ൻ്റെ ടീസർ പുറത്തുവിട്ടുകൊണ്ടാണ് സിനിമയുടെ അണിയറ പ്രവർത്തകർ താരത്തിൻ്റെ പിറന്നാൾ ആഘോഷിച്ചത്. 2024-ൽ ചിത്രം തിയേറ്ററുകളിൽ എത്താൻ സാധ്യതയുണ്ടെന്നാണ് ഇപ്പോൾ വരുന്ന റിപ്പോട്ടുകൾ. സന്ദീപ് റെഡ്ഡി വംഗയ്‌ക്കൊപ്പം മറ്റൊരു പാൻ-ഇന്ത്യ ചിത്രവും അല്ലു അർജുൻ്റെതായി വരാനിരിക്കുന്നുണ്ട്.
also read: 'വേട്ട അവസാനിക്കുന്നു, ഇനി പുഷ്‌പയുടെ ഭരണം'; അല്ലു അര്‍ജുന്‍റെ പിറന്നാള്‍ ദിനത്തില്‍ പ്രത്യേക വീഡിയോ
