Laal Singh Chaddha trailer release: 'ജീവിതത്തില്‍ സംഭവിക്കുന്ന കാര്യങ്ങളില്‍ എല്ലാം നമുക്ക് നിയന്ത്രണമുണ്ടോ...?' 'ജീവിതത്തില്‍ അത്‌ഭുതങ്ങള്‍ സംഭവിക്കും.. പക്ഷേ ചിലരത്‌ വിശ്വസിക്കില്ല..'. 'നമ്മുടെയൊക്കെ വിധി എഴുതപ്പെട്ടിരിക്കുന്നു.. ഈ വിധി എഴുതിയത്‌ ആര്‌.. എവിടെവച്ച്‌ എഴുതി? വിധി എന്തുകൊണ്ട്‌ ആദ്യം എഴുതപ്പെട്ടു?' - തുടങ്ങി ഒരുപാട്‌ ചിന്തകള്‍ കോരിയിട്ട് 'ലാല്‍ സിങ്‌ ഛദ്ദ'യുടെ ട്രെയ്‌ലര്‍.
പ്രേക്ഷകരെ ഒന്നടങ്കം വികാരഭരിതവും വിസ്‌മയിപ്പിക്കുന്നതുമായ ഒരു യാത്രയിലേയ്‌ക്കാണ് ട്രെയ്‌ലര്‍ നമ്മെ കൂട്ടിക്കൊണ്ട്‌ പോകുന്നത്‌. ലാലിന്‍റെ നിഷ്‌കളങ്കമായ സ്വഭാവവും ഒരു കുഞ്ഞിന്‍റേതെന്ന പോലത്തെ ശുഭാപ്‌തി വിശ്വാസവും അമ്മയുമായുള്ള മധുരമായ ബന്ധവും, കുട്ടിക്കാലത്തെ കൂട്ടുകാരിയോടുള്ള ഇഷ്‌ടവുമാണ് ട്രെയ്‌ലറില്‍ ദൃശ്യമാവുക.
-
Experience the extraordinary journey of #LaalSinghChaddha, a simple man whose heart is filled with love, hope and warmth.#LaalSinghChaddhaTrailer out now! Releasing in cinemas worldwide on 11th Aug.https://t.co/yahghWFhJA
— Aamir Khan Productions (@AKPPL_Official) May 29, 2022 " class="align-text-top noRightClick twitterSection" data="
">Experience the extraordinary journey of #LaalSinghChaddha, a simple man whose heart is filled with love, hope and warmth.#LaalSinghChaddhaTrailer out now! Releasing in cinemas worldwide on 11th Aug.https://t.co/yahghWFhJA
— Aamir Khan Productions (@AKPPL_Official) May 29, 2022Experience the extraordinary journey of #LaalSinghChaddha, a simple man whose heart is filled with love, hope and warmth.#LaalSinghChaddhaTrailer out now! Releasing in cinemas worldwide on 11th Aug.https://t.co/yahghWFhJA
— Aamir Khan Productions (@AKPPL_Official) May 29, 2022
Laal Singh Chaddha trailer in IPL finale:ആമിര്‍ഖാന്‍റെ റിലീസിനൊരുങ്ങുന്ന ഏറ്റവും പുതിയ ചിത്രമാണ് 'ലാല്‍ സിങ്‌ ഛദ്ദ'. ഈ വര്‍ഷം പ്രേക്ഷകര്‍ ആകാംക്ഷയോടെ കാത്തിരിക്കുന്ന ചിത്രങ്ങളിലൊന്നാണിത്'. പ്രഖ്യാപനം മുതല്‍ മാധ്യമശ്രദ്ധ നേടിയ ചിത്രത്തിന്‍റെ ഓരോ പുതിയ വിശേഷങ്ങളും ആരാധകര്‍ ഏറ്റെടുക്കാറുണ്ട്‌.
ഐ.പി.എല്‍ ഫൈനല്‍ വേദിയില്‍ വച്ചായിരുന്നു ചിത്രത്തിന്‍റെ ട്രെയ്‌ലര്‍ റിലീസ്‌. ഐ.പി.എല്‍ ഫൈനല്‍ മത്സരത്തിലെ ഒന്നാം ഇന്നിംഗ്‌സിലെ രണ്ടാമത്തെ സ്‌ട്രാറ്റജിക്ക് ടൈം ഔട്ടിലാണ് സിനിമയുടെ ട്രെയ്‌ലര്‍ പുറത്തുവിട്ടത്‌. ശേഷം വയാകോം 18 സ്‌റ്റുഡിയോസിന്‍റെ യൂട്യൂബ്‌ ചാനലിലൂടെയും ട്രെയ്‌ലര്‍ റിലീസ്‌ ചെയ്‌തു.
Laal Singh Chaddha songs: കോമഡി-ഡ്രാമ വിഭാഗത്തിലായാണ് ചിത്രം ഒരുങ്ങുക. സിനിമയിലെ ഗാനങ്ങള്‍ ഇതിനോടകം തന്നെ പ്രേക്ഷഹൃദയം കീഴടക്കിക്കഴിഞ്ഞു. ഇതുവരെ രണ്ട്‌ ഗാനങ്ങളാണ് 'ലാല്‍ സിങ്‌ ഛദ്ദ'യുടേതായി പുറത്തിറങ്ങിയത്‌. 'മെയ്ന് കീ കാരണ്‍', 'കഹാനി' എന്നീ ഗാനങ്ങളാണ് പുറത്തിറങ്ങിയത്‌. മനുഷ്യ ജീവിതത്തെക്കുറിച്ചുള്ള വളരെ അര്‍ഥപൂര്‍ണമായ വരികളാണ്‌ ഇരു ഗാനങ്ങള്‍ക്കും.
Amir Khan about Laal Singh Chaddha songs: ചിത്രത്തിലെ ഗാനങ്ങളെ കുറിച്ച്‌ ആമിര്‍ ഖാന്‍ മുമ്പൊരിക്കല്‍ പ്രതികരിച്ചിരുന്നു. 'ലാൽ സിംഗ് ഛദ്ദ'യിലെ ഗാനങ്ങൾ സിനിമയുടെ ആത്മാവാണെന്നാണ് താരം പറയുന്നത്‌. തന്‍റെ കരിയറിലെ ഏറ്റവും മികച്ച ഗാനങ്ങള്‍ ഈ ആൽബത്തിൽ ഉണ്ടെന്ന് വിശ്വസിക്കുന്നു. 'ഈ ഗാനത്തോട്‌ പ്രേക്ഷകര്‍ എങ്ങനെ പ്രതികരിക്കുമെന്നത്‌ കാണാന്‍ തനിക്ക്‌ ഇനിയും കാത്തിരിക്കാനാവില്ല.'-ആമിര്‍ ഖാന്‍ പറഞ്ഞു.
Laal Singh Chaddha release: ആമിര്‍ ഖാനും കരീന കപൂറും കേന്ദ്രകഥാപാത്രങ്ങളായെത്തുന്ന ചിത്രത്തില്‍ മോന സിങ്‌, നാഗ ചൈതന്യ അക്കിനേനി എന്നിവരും സുപ്രധാന വേഷത്തിലെത്തുന്നു. 'ത്രീ ഇഡിയറ്റ്‌സി'ന് ശേഷം ആമിര്‍ ഖാനും കരീന കപൂറും ഒന്നിച്ചെത്തുന്ന ചിത്രം കൂടിയാണിത്‌. മോന സിംഗ് ആണ് സിനിമയില്‍ ആമിറിന്‍റെ അമ്മയായെത്തുന്നത്‌. ആമിര്‍ ഖാന്‍ പ്രൊഡക്ഷന്‍സ്‌, കിരണ്‍ റാവു, വയാകോം 18 സ്‌റ്റുഡിയോസ്‌ എന്നിവര്‍ ചേര്‍ന്നാണ് നിര്‍മാണം. 2022 ആഗസ്‌റ്റ്‌ 11നാണ് ചിത്രം തിയേറ്ററുകളിലെത്തുക.
1994ല്‍ പുറത്തിറങ്ങിയ 'ഫോറസ്‌റ്റ്‌ ഗംപ്‌' എന്ന ഹോളിവുഡ്‌ ചിത്രത്തിന്‍റെ ആവിഷ്‌കാരമാണ് 'ലാല്‍ സിങ്‌ ഛദ്ദ'. 2017ല്‍ ആമിര്‍ ഖാന്‍ പ്രൊഡക്ഷന്‍സിന്‍റെ നിര്‍മാണത്തിലെത്തിയ 'സീക്രട്ട് സ്‌റ്റാര്‍' എന്ന സിനിമയിലൂടെ സംവിധാന രംഗത്തേയ്‌ക്ക്‌ അരങ്ങേറ്റം കുറിച്ച അദ്വൈത്‌ ചന്ദ്രനാണ് ലാല്‍ സിംഗ് ഛദ്ദയുടെ സംവിധായകന്‍. സിനിമയില്‍ ആമിര്‍ ഖാന്‍ അതിഥി വേഷത്തില്‍ എത്തിയിരുന്നു.
Also Read: 'എന്തു ചെയ്യും ഞാന്‍? നീ അടുത്തില്ലെങ്കില്‍ ജീവിതം അവസാനിക്കുന്നു': മെയ്ന് കീ കാരണ്‍ ശ്രദ്ധേയം
