ലോസ് ഏഞ്ചൽസ് : വിവസ്‌ത്രനാകാൻ വിസമ്മതിച്ചതിനാൽ പ്രമുഖ സംവിധായകൻ മാർവൽ കഥാപാത്രമാകാനുള്ള അവസരം നിഷേധിച്ചതായി ഹോളിവുഡ് നടൻ മാത്യു ലോറൻസിന്‍റെ തുറന്നുപറച്ചിൽ. ഓസ്‌കർ ജേതാവായ ഒരു ചലച്ചിത്ര സംവിധായകനിൽ നിന്ന് നേരിടേണ്ടി വന്ന ഭയാനകമായ അനുഭവത്തെക്കുറിച്ച് 'ബ്രദർലി ലവ് പോഡ്‌കാസ്റ്റി'ന്‍റെ ഏറ്റവും പുതിയ എപ്പിസോഡിലൂടെ വെളിപ്പെടുത്തുകയായിരുന്നു മാത്യു ലോറൻസ്. തന്നോട് ഇത്തരത്തിൽ ലൈംഗിക ചൂഷണത്തിനായി സമീപിച്ചവരിൽ സ്‌ത്രീകളും പുരുഷൻമാരും ഉൾപ്പെടുമെന്നും അദ്ദേഹം പറഞ്ഞു.
'മാർവൽ പ്രൊഡക്ഷനിൽ ഒരു വേഷം എനിക്ക് വാഗ്‌ദാനം ചെയ്‌തിരുന്നു. എന്നാൽ വേഷം ലഭിക്കണമെങ്കിൽ വസ്‌ത്രം അഴിച്ചുമാറ്റാനാണ് പ്രമുഖ സംവിധായകൻ ആവശ്യപ്പെട്ടത്. വളരെ പ്രമുഖനായ ഒരു ഓസ്‌കർ അവാർഡ് ജേതാവായ സംവിധായകൻ ഹോട്ടൽ റൂമിൽ വന്ന് നേരിട്ട് കാണാൻ പറഞ്ഞു. എന്‍റെ ഏജൻസി വഴിയാണ് സംവിധായകനെ കാണാൻ അവസരം ലഭിച്ചത്.
ഞാൻ ഹോട്ടൽ മുറിയിൽ എത്തിയപ്പോൾ അയാൾ ഒരു റോബ്‌സ് മാത്രം ധരിച്ചാണ് എന്‍റെ അടുത്തേക്ക് വന്നത്. വന്നയുടന്‍ എന്നോട് വസ്‌ത്രങ്ങൾ അഴിക്കാൻ ആവശ്യപ്പെട്ടു. എന്‍റെ പോളറോയിഡുകൾ (ഒരു ചിത്രമെടുക്കുകയും കുറച്ച് നിമിഷങ്ങൾക്കുള്ളിൽ തന്നെ അതിന്‍റെ പ്രിന്‍റ് എടുക്കുകയും ചെയ്യുന്ന ക്യാമറ ഉപയോഗിച്ച് എടുക്കുന്ന ഫോട്ടോ) എടുക്കണമെന്ന് പറഞ്ഞു. പിന്നെ ഞാൻ എക്‌സ്, വൈ, ഇസഡ് എന്നിവ ചെയ്‌താൽ ഞാൻ അടുത്ത മാർവൽ കഥാപാത്രമായിരിക്കുമെന്നും അയാൾ പറഞ്ഞു. എന്നാൽ ഞാൻ അത് ചെയ്യാൻ സന്നദ്ധനായിരുന്നില്ല. ഞാൻ സംവിധായകന്‍റെ മുറിയിൽ നിന്ന് ഇറങ്ങിപ്പോയി. ഇതോടെ എന്‍റെ ഏജൻസി എന്നെ പുറത്താക്കി' - മാത്യു ലോറൻസ് പോഡ്‌കാസ്‌റ്റിൽ പറയുന്നു.
-
Former child star Matthew Lawrence says a Marvel Studios director propositioned him for sex in exchange for a role in the MCU.
— Dataracer (@Dataracer117) April 30, 2023 " class="align-text-top noRightClick twitterSection" data="
Lawrence declined, and was then fired by his agency. pic.twitter.com/tI81BS5UD8
">Former child star Matthew Lawrence says a Marvel Studios director propositioned him for sex in exchange for a role in the MCU.
— Dataracer (@Dataracer117) April 30, 2023
Lawrence declined, and was then fired by his agency. pic.twitter.com/tI81BS5UD8Former child star Matthew Lawrence says a Marvel Studios director propositioned him for sex in exchange for a role in the MCU.
— Dataracer (@Dataracer117) April 30, 2023
Lawrence declined, and was then fired by his agency. pic.twitter.com/tI81BS5UD8
എന്നാൽ ഈ സംഭവങ്ങൾ എപ്പോഴാണ് നടന്നതെന്നോ, വ്യക്തികളുടെ പേരുകളോ നടൻ വെളിപ്പെടുത്തിയിട്ടില്ല. സമൂഹത്തിലും സിനിമാമേഖലയിലും നടക്കുന്ന ലൈംഗികാതിക്രമങ്ങളെ കുറിച്ച് പുരുഷ അഭിനേതാക്കൾ തുറന്ന് പറച്ചിലുകൾ നടത്തുമ്പോൾ അവയ്‌ക്ക് ഒന്നും തന്നെ സ്‌ത്രീകൾക്ക് ലഭിക്കുന്ന പിന്തുണ ലഭിക്കാറില്ല എന്ന് മാത്യു ലോറൻസ് കുറ്റപ്പെടുത്തി. 'ടെറി ക്രൂസ് പുറത്തുവന്ന് തനിക്ക് നേരെ വന്ന പ്രശ്‌നങ്ങൾ പറയുന്നു, ആളുകൾ അവനെ നോക്കി ചിരിക്കുന്നു. ആളുകൾ അവനെ പിന്തുണയ്ക്കുന്നില്ല, അവർ അവനെ പുറത്താക്കുന്നു. എന്തിന് ? കാരണം അവൻ പുരുഷത്വത്തെ പ്രതിനിധീകരിക്കുന്ന ഒരു മനുഷ്യനാണ്, സ്‌ത്രീകളേക്കാൾ പുരുഷന്മാരുടെ അവസ്ഥ കേൾക്കാൻ നമ്മുടെ സമൂഹം തയ്യാറല്ലെന്ന് ഞാൻ കരുതുന്നു' - മാത്യു കൂട്ടിച്ചേർത്തു.
മാത്യു വില്യം ലോറൻസ് അമേരിക്കൻ നടനും ഗായകനുമാണ്. മിസിസ് ഡൗട്ട്ഫയർ, ബോയ് മീറ്റ്സ് വേൾഡ് എന്നീ ചിത്രങ്ങളിലെ വേഷങ്ങളിൽ തിളങ്ങിയ മാത്യു ലോറൻസ് തന്‍റെ സഹോദരന്മാരായ ജോയി, ആൻഡ്രൂ എന്നിവർക്കൊപ്പം ബ്രദർലി ലവ് എന്ന പരമ്പരയിലും അഭിനയിച്ചു.
