തിരുവനന്തപുരം : പൂവച്ചലിൽ വീട്ടുവളപ്പിലെ ചന്ദനമരം മുറിച്ച് കടത്തി. റിട്ടയർ വനം വകുപ്പ് ഉദ്യോഗസ്ഥൻ ജയന്ദകുമാറിന്‍റെ പറമ്പിൽ നിന്നാണ് മരം മോഷണം പോയത്. ചൊവ്വാഴ്‌ച രാത്രിയോടെയായിരുന്നു സംഭവം.
പൂവച്ചലിൽ വീട്ടുമുറ്റത്തെ ചന്ദനമരം മുറിച്ച് കടത്തി
23 വർഷം പഴക്കം ചെന്ന മരമാണ് മോഷ്‌ടാക്കള്‍ മുറിച്ച് കടത്തിയത്. 4 മീറ്റർ നീളവും 55 സെന്‍റിമീറ്റർ ചുറ്റുവണ്ണവും മരത്തിനുണ്ടായിരുന്നു. സംഭവം നടന്ന ദിവസം ശക്തമായ മഴയും കാറ്റും ഉണ്ടായിരുന്നതിനാൽ മോഷണം അറിഞ്ഞില്ലെന്ന് ജയന്ദകുമാർ പറയുന്നു. സംഭവത്തിൽ പൊലീസ് അന്വേഷണം ആരംഭിച്ചു.
