തിരുവനന്തപുരം: മുഖ്യമന്ത്രിയുടെ പൊളിറ്റിക്കൽ സെക്രട്ടറിയായി പി ശശിയുടെ നിയമനം ഏകകണ്ഠമായി സിപിഎം സംസ്ഥാന സമിതി തീരുമാനിച്ചതാണെന്ന് പി ജയരാജൻ. ഭരണത്തിൽ മികച്ച അനുഭവ സമ്പത്തുള്ള വ്യക്തിയാണ് പി ശശി. മുഖ്യമന്ത്രിയുടെ ഓഫിസിൻ്റെ പ്രവർത്തനത്തിൽ അദ്ദേഹം മികവ് പുലർത്തുമെന്നാണ് വിശ്വാസം.
ശശിയുടെ നിയമനവുമായി ബന്ധപ്പെട്ട് താൻ വിമർശനം ഉന്നയിച്ചുവെന്നത് മാധ്യമ സൃഷ്‌ടി മാത്രമാണ്. നിയമന തീരുമാനത്തിൽ താനും പങ്കാളിയാണ്. പാർട്ടി സൂക്ഷ്‌മമായി പരിശോധിച്ചാണ് തീരുമാനമെടുത്തത്, അതിൽ തെറ്റുണ്ടാകാൻ സാധ്യതയില്ലെന്നും ജയരാജൻ വ്യക്തമാക്കി.
ശശിക്കെതിരെ വിമർശനം ഉന്നയിച്ചിരുന്നോ എന്ന ചോദ്യത്തിന് കൃത്യമായ മറുപടി പറയാൻ അദ്ദേഹം തയാറായില്ല. സംസ്ഥാന സമിതി യോഗത്തിൽ പറഞ്ഞ കാര്യങ്ങൾ പുറത്ത് പറയാൻ കഴിയില്ലെന്നായിരുന്നു ജയരാജൻ്റെ മറുപടി.
Also read: 'തെറ്റുപറ്റാത്തവരായി ആരുമില്ല'; പി ശശിയുടെ നിയമന തീരുമാനം ഏകകണ്ഠമെന്ന് ഇ.പി ജയരാജൻ
