തിരുവനന്തപുരം : സംസ്ഥാനത്ത് 10 മുതൽ 12 വരെ ക്ലാസുകളിൽ സ്‌കൂൾ സമയം വൈകിട്ടുവരെയാക്കാൻ തീരുമാനം. തിങ്കളാഴ്‌ച മുതലാണ് ക്ലാസ് സമയം നീട്ടുന്നത്. നേരത്തെ ഉച്ചവരെ ഷിഫ്‌റ്റ് അടിസ്ഥാനത്തിലായിരുന്നു ക്ലാസുകൾ നടത്തിയിരുന്നത്.
കൊവിഡ് വ്യാപനത്തിന്‍റെ പശ്ചാത്തലത്തിൽ കഴിഞ്ഞ മാസം 21 മുതൽ 1 മുതൽ 9 വരെയുള്ള ക്ലാസുകൾ ഓൺലൈൻ ആക്കിയിരുന്നു. ഈ ക്ലാസുകളും ഫെബ്രുവരി 14 മുതൽ ഓഫ് ലൈൻ ആക്കാൻ വിദ്യാഭ്യാസ വകുപ്പ് ആലോചിക്കുന്നുണ്ട്.
ALSO READ: ഓണ്‍ലൈന്‍ ക്ലാസ് ഇന്നവസാനിക്കും; പുതുക്കിയ ഹയർ സെക്കന്‍ഡറി പരീക്ഷ മാനുവല്‍ പ്രസിദ്ധീകരിച്ചു
പരീക്ഷ അടുത്തിരിക്കുന്നതിനാൽ പാഠഭാഗങ്ങൾ തീർക്കുന്നതിനായാണ് ക്ലാസ് സമയം വർധിപ്പിക്കാൻ സർക്കാർ തീരുമാനിച്ചത്. പരീക്ഷകള്‍ മുടക്കമില്ലാതെ നടക്കും. കഴിഞ്ഞ ദിവസം വിദ്യാഭ്യാസ മന്ത്രി പുതുക്കിയ ഹയർ സെക്കന്‍ഡറി പരീക്ഷ മാനുവല്‍ പ്രസിദ്ധീകരിച്ചിരുന്നു.
