കോഴിക്കോട്: ചാത്തമംഗലത്ത് സ്വകാര്യ ബസുകള്‍ കൂട്ടിയിടിച്ച് നിരവധി പേര്‍ക്ക് പരിക്ക്. വ്യാഴാഴ്‌ച വൈകിട്ട് അഞ്ചരയോടെ ചാത്തമംഗലം ടെസ്റ്റ് ഗ്രൗണ്ടിന് സമീപമാണ് അപകടമുണ്ടായത്. കോഴിക്കോട്-നിലമ്പൂർ റൂട്ടിലോടുന്ന ഗാലക്‌സി എന്ന ബസും തിരുവമ്പാടി-കോഴിക്കോട് റൂട്ടിലോടുന്ന ലെമിൻ ബസും കൂട്ടിയിടിച്ചാണ് അപകടമുണ്ടായത്.
അപകടത്തില്‍പ്പെട്ട ബസുകളുടെ ദൃശ്യം
അപകടത്തിൽ പരിക്കേറ്റവരെ മെഡിക്കൽ കോളജ് ആശുപത്രിയില്‍ പ്രവേശിപ്പിച്ചു. അപകടത്തെ തുടർന്ന് മുക്കം റോഡിൽ ഏറെ നേരം ഗതാഗതം തടസപ്പെട്ടു. വെള്ളിമാടുകുന്നിൽ നിന്നെത്തിയ അഗ്നിശമനസേനയും കുന്നമംഗലം പൊലീസും ചേർന്നാണ് രക്ഷാപ്രവര്‍ത്തനം നടത്തിയത്.
