മുണ്ടക്കയത്ത് യുവാവ് കൊല്ലപ്പെട്ട നിലയിൽ

മുണ്ടക്കയം ബൈപ്പാസിന് സമീപം താമസിക്കുന്ന പടിവാതുക്കൽ ആദർശാണ് മരിച്ചത്.

കോട്ടയം: മുണ്ടക്കയത്ത് യുവാവിനെ കുത്തേറ്റ് മരിച്ച നിലയിൽ കണ്ടെത്തി. മുണ്ടക്കയം ബൈപ്പാസിന് സമീപം താമസിക്കുന്ന പടിവാതുക്കൽ ആദർശാണ് മരിച്ചത്. ചൊവ്വാഴ്ച്ച അർധരാത്രിയോടെ കരിനിലം പോസ്റ്റ് ഓഫിസിനു മുന്നിൽ വച്ചായിരുന്നു സംഭവം. കൊലപാതക കാരണം എന്തെന്ന് ഇതുവരെ വ്യക്തമായിട്ടില്ല. കരിനിലം സ്വദേശിയായ ഇദ്ദേഹത്തിന്‍റെ സുഹൃത്തിനെ കേന്ദ്രീകരിച്ചാണ് അന്വേഷണം പുരോഗമിക്കുന്നത്. ഇയാളും ആദർശും തമ്മിലുള്ള ഇടപാടുകളും പൊലീസ് അന്വേഷിച്ചുവരികയാണ്. മുണ്ടക്കയം പൈങ്ങണയിൽ ആക്രിക്കട നടത്തി വരികയായിരുന്നു കൊല്ലപ്പെട്ട ആദർശ്.