വെണ്ടുരുത്തി പാലത്തിൽ നിന്നും ചാടിയ യുവാവിനെ നാവികസേന രക്ഷപ്പെടുത്തി

പട്രോളിങ് നടത്തുകയായിരുന്ന നാവിക സേനാംഗങ്ങളാണ് യുവാവിനെ രക്ഷപ്പെടുത്തിയത്.

എറണാകുളം: വെണ്ടുരുത്തി പാലത്തിൽ നിന്ന് ചാടിയ യുവാവിനെ നാവികസേന ഉദ്യോഗസ്ഥർ രക്ഷപ്പെടുത്തി. ഇന്ത്യൻ നാവിക സേനയുടെ ദക്ഷിണ നേവൽ കമാൻഡ് ഫാസ്റ്റ് ഇന്‍റർസെപ്റ്റ് ക്രാഫ്റ്റ് ഉദ്യോഗസ്ഥരാണ് യുവാവിനെ രക്ഷപ്പെടുത്തിയത്. പട്രോളിങ് നടത്തുകയായിരുന്നു സേനാംഗങ്ങൾ.

നേപ്പാളി സ്വദേശിയായ 33കാരൻ ബഹദൂർ ഭുജേലാണ് പാലത്തിൽ നിന്നും ചാടിയത്. യുവാവിന് പ്രാഥമിക ചികിത്സ നൽകിയെന്നും നാവിക സേന വ്യക്തമാക്കി.