എറണാകുളം: പുതുവൈപ്പിനിൽ നിന്നും മത്സ്യബന്ധനത്തിന് പോയ ബോട്ട് മുങ്ങി. പുതുവൈപ്പിനിൽ നിന്നും മൂന്ന് കിലോമീറ്റർ പടിഞ്ഞാറ് നീങ്ങിയാണ് അപകടം സംഭവിച്ചത്. 40ൽ അധികം മത്സ്യത്തൊഴിലാളികളായിരുന്നു ബോട്ടിലുണ്ടായിരുന്നത്.
പുതുവൈപ്പിൽ മത്സ്യബന്ധന ബോട്ട് മുങ്ങി; ആളപായമില്ല
മത്സ്യത്തൊഴിലാളികൾ തന്നെ നടത്തിയ രക്ഷാപ്രവർത്തനത്തിൽ അപകടത്തിൽ പെട്ട എല്ലാവരെയും രക്ഷിച്ചു. നേരത്തെ മുങ്ങിയ മറ്റൊരു വള്ളത്തിൽ ഇടിച്ചായിരുന്നു അപകടം സംഭവിച്ചത്. അപകടത്തിൽ പെട്ട ഇൻബോർഡ് വള്ളം പൂർണമായും കടലിൽ മുങ്ങിയതായി മത്സ്യ തൊഴിലാളികൾ അറിയിച്ചു. നേരത്തെ കടലിൽ മുങ്ങി കിടക്കുന്ന വള്ളം മാറ്റണമെന്ന തങ്ങളുടെ ആവശ്യം പരിഗണിക്കാത്തതിനാലാണ് ഇത്തരത്തിലൊരു അപകടം സംഭവിച്ചതെന്ന് മത്സ്യതൊഴിലാളികൾ വിമർശിച്ചു.
