കണ്ണൂരില്‍ ആള്‍ പാര്‍പ്പില്ലാത്ത വീട്ടുപറമ്പില്‍ ബോംബുകൾ

പൊയിലൂർ തട്ടിൽ പീടികയിൽ ആൾ പാർപ്പില്ലാത്ത വീട്ട് പറമ്പിൽ നിന്നാണ് ഉഗ്രശേഷിയുള്ള നാല് ബോംബുകൾ കണ്ടെടുത്തത്.

കണ്ണൂര്‍ : കണ്ണൂര്‍ പാനൂരിൽ ബോംബുകൾ കണ്ടെടുത്തു. കൊളവല്ലൂർ പോലീസ് സ്റ്റേഷൻ പരിധിയിൽപ്പെട്ട പൊയിലൂർ തട്ടിൽ പീടികയിൽ നിന്നാണ് ഉഗ്രശേഷിയുള്ള നാല് ബോംബുകൾ പിടിച്ചെടുത്തത്. ആൾ പാർപ്പില്ലാത്ത വീട്ട് പറമ്പിൽ ഒളിച്ചുവച്ച നിലയിലായിരുന്നു ബോംബുകൾ.

പൊലീസിന് ലഭിച്ച രഹസ്യ വിവരത്തെ തുടർന്ന് നടത്തിയ പരിശോധനയിലാണ് ഇവ കണ്ടെടുത്തത്. ബോംബ് സ്ക്വാഡിന്‍റെ സഹായത്തോടെ ഇവ നിർവീര്യമാക്കി.