ആലപ്പുഴ : ആലപ്പുഴയിൽ നടന്ന കൊലപാതകങ്ങളുമായി ബന്ധപ്പെട്ട് പ്രകോപനപരമായ സന്ദേശങ്ങൾ സാമൂഹ്യ മാധ്യമങ്ങളിൽ പ്രചരിപ്പിച്ചതിന് ജില്ലയിൽ രണ്ട് കേസുകൾ രജിസ്റ്റർ ചെയ്തു. ആലപ്പുഴ സൗത്ത്, മണ്ണഞ്ചേരി എന്നീ സ്റ്റേഷനുകളിൽ ആണ് കേസ് രജിസ്റ്റർ ചെയ്തത്. ഇവ രണ്ടും കൊലപാതകം നടന്ന സ്ഥലങ്ങൾ ഉൾപ്പെടുന്ന പൊലീസ് സ്റ്റേഷനുകളാണ്.
അതേസമയം കൊലപാതകവുമായി ബന്ധപ്പെട്ട് ജില്ലയിലെ സാമൂഹ്യ മാധ്യമങ്ങൾ പൊലീസ് നിരീക്ഷണത്തിലാണ്. സംഭവത്തിന്‍റെ പശ്ചാത്തലത്തിൽ എസ്‌ഡിപിഐ - ആർഎസ്എസ് നേതാക്കൾ ഉപയോഗിക്കുന്ന സോഷ്യൽ മീഡിയ അക്കൗണ്ടുകളും പേജുകളും പൊലീസ് പരിശോധിച്ചുവരുന്നുണ്ട്.
ALSO READ: SDPI Leader's Killing : കെ.എസ്‌ ഷാന്‍ കൊലപാതകം ; മൂന്ന്‌ ആർഎസ്എസ് പ്രവർത്തകർ അറസ്‌റ്റിൽ
മതസൗഹാർദം തകർത്തുകൊണ്ടുള്ള പ്രചരണം നടത്തുന്ന വ്യക്തികളും സംഘടനകളും സൈബർ പൊലീസിന്‍റെ നിരീക്ഷണത്തിലാണ്. പ്രകോപനപരമായ സന്ദേശങ്ങൾ പ്രചരിപ്പിച്ചാൽ കടുത്ത നടപടികൾ ഉണ്ടാകുമെന്ന് ജില്ല പൊലീസ് മേധാവി ജി ജയ്ദേവ് ഐപിഎസ് അറിയിച്ചു.
