ലഖ്‌നൗ : മുസാഫർനഗറിലെ ഭോപ്പ പൊലീസ് സ്റ്റേഷന് കീഴിലുള്ള ഗ്രാമത്തിൽ 22കാരിയെ രണ്ട് യുവാക്കൾ ചേർന്ന് പീഡനത്തിനിരയാക്കുകയും ദൃശ്യങ്ങൾ മൊബൈൽ ഫോണിൽ പകർത്തുകയും ചെയ്‌തതായി പൊലീസ് പറഞ്ഞു. യോഗേഷ് കുമാർ, ബബ്ലു എന്നിവരാണ് യുവതിയെ പീഡനത്തിനിരയാക്കിയത്.
പ്രധാനമന്ത്രി ആവാസ് യോജനയിൽ വീട് നൽകാമെന്ന് പറഞ്ഞ് യുവതിയെ വയലിലേക്ക് കൊണ്ടുപോയാണ് പ്രതികൾ പീഡിപ്പിച്ചത്. പ്രതികളിലൊരാൾ പീഡന ദൃശ്യങ്ങൾ മൊബൈലിൽ പകർത്തുകയും ചെയ്‌തു.
പിന്നീട് വീഡിയോ ഡിലീറ്റ് ചെയ്യാമെന്ന് വാഗ്‌ദാനം നൽകി പ്രതികളിലൊരാളായ യോഗേഷ് യുവതിയെ പ്രദേശത്തെ ശർക്കര ഫാക്‌ടറിക്ക് സമീപം കൊണ്ടുപോയി വീണ്ടും പീഡിപ്പിച്ചു. വീഡിയോ ഡിലീറ്റ് ചെയ്യാതെ അതുവച്ച് യുവതിയെ വീണ്ടും ഭീഷണിപ്പെടുത്തുകയും ചെയ്‌തു.
യുവതിയുടെ പരാതിയുടെ അടിസ്ഥാനത്തിൽ രണ്ട് പ്രതികളുടെയും പേരിൽ ഇന്ത്യൻ ശിക്ഷാനിയമത്തിലെ 376, 506 വകുപ്പുകൾ പ്രകാരം കേസെടുത്തു.
