ചണ്ഡീഗഡ്: രണ്ട് പേരുടെ മരണത്തിനിടയാക്കിയ 1993ലെ വ്യാജ ഏറ്റുമുട്ടൽ കേസിൽ പഞ്ചാബ് പൊലീസ് ഉദ്യോഗസ്ഥർ കുറ്റക്കാരാണെന്ന് മൊഹാലിയിലെ സെൻട്രൽ ബ്യൂറോ ഓഫ് ഇൻവെസ്റ്റിഗേഷന്‍റെ (സിബിഐ) പ്രത്യേക കോടതി കണ്ടെത്തി. ഇവര്‍ക്കെതിരെ കൊലപാകതം ക്രിമിനല്‍ ഗൂഢാലോചന എന്നീ വകുപ്പുകള്‍ പ്രകാരമാണ് കുറ്റം ചുമത്തിയത്. ഒക്‌ടോബർ 31ന് കോടതി വിധി പുറപ്പെടുവിക്കും.
അഡിഷണൽ ഡിസ്ട്രിക്‌ട് ആൻഡ് സെഷൻസ് ജഡ്‌ജി (എഡിഎസ്ജെ) ഹരീന്ദർ സിദ്ധുവാണ് വിധി പ്രസ്‌താവിച്ചത്. സെക്ഷൻ 120-ബി ആർ/ഡബ്ല്യു 302(കൊലപാതകം), സെക്ഷന്‍ 218(ഒരു വ്യക്തിയെ ശിക്ഷയില്‍ നിന്ന് രക്ഷിക്കാന്‍ പൊതുസേവകര്‍ വ്യാജ രേഖകള്‍ തയ്യാറാക്കുന്നത്) തുടങ്ങിയ വകുപ്പുകള്‍ പ്രകാരമാണ് മുന്‍ പൊലീസ് ഉദ്യോഗസ്ഥരായ ഷംഷേർ സിങ്ങിനും ജഗ്‌താര്‍ സിങ്ങിനുമെതിരെ കോടതി ശിക്ഷ വിധിച്ചു.
1993 ഏപ്രില്‍ 15ന് പൊലീസ് കസ്‌റ്റഡിയിലായിരുന്ന ഹര്‍ബന്‍ സിങ്ങിന്‍റെ കൈവശമുണ്ടായിരുന്ന ആയുധങ്ങള്‍ വീണ്ടെടുക്കാനായി ചമ്പലില്‍ വച്ച് മൂന്ന് ഭീകരര്‍ പൊലീസ് സേനയെ അക്രമിച്ചു എന്നാണ് രേഖകളില്‍ പറയുന്നത്. ഏറ്റുമുട്ടലില്‍ നടന്ന വെടി വയ്‌പില്‍ ഹര്‍ബന്‍ സിങ്ങിനെയും തിരിച്ചറിയാന്‍ സാധിക്കാത്ത ഒരു വ്യക്തിയേയും പൊലീസ് വെടിവച്ചു എന്ന് ഉദ്യോഗസ്ഥര്‍ പറഞ്ഞു. തിരിച്ചറിയാന്‍ സാധിക്കാത്ത ഭീകരര്‍ക്കെതിരെ ഐപിസി, ആര്‍ം ആക്‌ട്, ടിഎഡിഎ ആക്‌ട് എന്നീ വകുപ്പുകള്‍ പ്രാകാരം പൊലീസ് കേസ് രജിസ്‌റ്റര്‍ ചെയ്‌തിരുന്നു.
ഹര്‍ബന്‍ സിങ്ങിന്‍റെ കൊലപാതകത്തില്‍ സംശയം ഉണ്ടായതിന തുടര്‍ന്ന് സഹോദരന്‍ പരംജിത്ത് സിങ് നല്‍കിയ പരാതിയെ തുടര്‍ന്ന് സിബിഐ അന്വേഷണം നടത്തിയിരുന്നു. ഇതേതുടര്‍ന്ന് തർൺ തരൺ (സദർ) സ്റ്റേഷനിലെ പൊലീസ് ഉദ്യോഗസ്ഥര്‍ക്കെതിരെ ഐപിസിയിലെ 34, 364, 302 തുടങ്ങിയ വകുപ്പുകള്‍ പ്രകാരം അന്വേഷണ സംഘം കേസ് രജിസ്‌റ്റര്‍ ചെയ്‌തു.
മൂന്ന് വർഷത്തിന് ശേഷം, 2002 ജനുവരി 8ന് തർൺ തരൺ (സദർ) സ്റ്റേഷനിൽ നിയോഗിച്ച നാല് പൊലീസ് ഉദ്യോഗസ്ഥരായ പുരൺ സിങ്, അന്നത്തെ എസ്എച്ച്ഒ, എസ്ഐ ഷംഷേർ സിങ്, എഎസ്ഐ ജാഗിർ സിങ്, എഎസ്ഐ ജഗ്‌താർ സിംങ് 120ബി വകുപ്പ് പ്രകാരം സിബിഐ കുറ്റപത്രം സമർപ്പിച്ചു.
2002 ഡിസംബർ 13ന് സിബിഐ കോടതി ഇവർക്കെതിരെ കുറ്റം ചുമത്തിയെങ്കിലും മേൽക്കോടതികളുടെ ഉത്തരവനുസരിച്ച് 2006 മുതൽ 2022 വരെ വിചാരണ സ്റ്റേ ചെയ്‌തു. വിചാരണക്കോടതിയിൽ 17 സാക്ഷികളുടെ മൊഴി രേഖപ്പെടുത്തി. കുറ്റാരോപിതരായ പുരൺ സിങ്ങും ജാഗിർ സിങ്ങും ഈ കാലയളവിൽ മരിച്ചു.
