ന്യൂഡല്‍ഹി: കോണ്ഗ്രസ് അധ്യക്ഷ സോണിയ ഗാന്ധിക്ക് ശ്വാസകോശത്തില്‍ അണുബാധ. ഡല്‍ഹിയിലെ ഗംഗാറാം ആശുപത്രിയില്‍ പ്രവേശിപ്പിച്ച സോണിയയുടെ ആരോഗ്യനില ഡോക്‌ടര്‍മാര്‍ സൂക്ഷ്‌മമായി നിരീക്ഷിച്ചു വരികയാണെന്നും, ചികിത്സ തുടരുകയാണെന്നും പാര്‍ട്ടി അറിയിച്ചു. കൊവിഡുമായി ബന്ധപ്പെട്ടുള്ള ആരോഗ്യ പ്രശ്‌നങ്ങളെ തുടര്‍ന്ന് ഞായറാഴ്‌ചയാണ് സോണിയ ഗാന്ധിയെ ആശുപത്രിയില്‍ പ്രവേശിപ്പിച്ചത്‌.
Sonia Gandhi hospitalised: മൂക്കിൽ നിന്നുള്ള രക്തസ്രാവത്തെ തുടർന്ന് ജൂൺ 12 നാണ് സോണിയ ഗാന്ധിയെ ആശുപത്രിയിൽ പ്രവേശിപ്പിച്ചതെന്ന് മുതിർന്ന കോണ്ഗ്രസ് നേതാവ് ജയറാം രമേശ് അറിയിച്ചു. മൂക്കില്‍ നിന്നുള്ള രക്തസ്രാവം തടയാനായി കഴിഞ്ഞ ദിവസവും സോണിയയ്‌ക്ക് പ്രത്യേക ചികിത്സ നല്‍കിയിരുന്നു. പലതരം ആരോഗ്യ പ്രശ്‌നങ്ങള്‍ നേരിടുന്ന സോണിയ കൊവിഡാനന്തര ചികിത്സ തുടരുന്നുണ്ടെന്നും ജയറാം രമേശ് പറഞ്ഞു.
