തന്‍റെ എല്ലാ പ്രൊഫഷണൽ പ്രതിബദ്ധതകളും അവസാനിപ്പിച്ച ശേഷം സിനിമയില്‍ നിന്ന് ഇടവേള എടുക്കാനൊരുങ്ങുകയാണ് തെന്നിന്ത്യന്‍ സൂപ്പര്‍ താരം സാമന്ത റൂത്ത് പ്രഭു Samantha Ruth Prabhu. താരം ഹൈദരാബാദ് വിമാനത്താവളത്തില്‍ എത്തിയതിന്‍റെ ചിത്രങ്ങളും വീഡിയോകളുമാണിപ്പോള്‍ സോഷ്യല്‍ മീഡിയയില്‍ വൈറലാവുന്നത്. വിജയ് ദേവരകൊണ്ട Vijay Deverakonda നായകനായ 'കുഷി'യുടെ Kushi ചിത്രീകരണം പൂര്‍ത്തിയാക്കിയ ശേഷം ഹൈദരാബാദ് വിമാനത്താവളത്തില്‍ മടങ്ങിയെത്തിയ സാമന്തയ്‌ക്കൊപ്പം താരത്തിന്‍റെ ടീമും ഉണ്ടായിരുന്നു.
'കുഷി'യും, വെബ് സീരീസായ 'സിറ്റാഡലി'ന്‍റെ ഇന്ത്യന്‍ പതിപ്പുമാണ് സാമന്തയുടെ പുതിയ പ്രൊജക്‌ടുകള്‍. ഈ പ്രൊജക്‌ടുകള്‍ പൂര്‍ത്തിയാക്കിയ ശേഷമാകും സാമന്ത അഭിനയ ജീവിതത്തില്‍ നിന്ന് ഒരു ഇടവേള എടുക്കുക. സിനിമകളിൽ നിന്ന് ഇടവേള എടുക്കുന്നതിനെ കുറിച്ചുള്ള വാർത്തകൾ പ്രചരിച്ച ശേഷം സാമന്ത പൊതുവേദികളിൽ പ്രത്യക്ഷപ്പെടുന്നത് ഒഴിവാക്കിയിരുന്നു.
ടീമിനൊപ്പം വിമാനത്താവളത്തില്‍ നിന്ന് പുറത്തേക്ക് വരുന്ന സാമന്ത നേരെ കാറിനകത്തേയ്‌ക്ക് കയറുന്നതാണ് വീഡിയോയില്‍ കാണാനാവുക. ഇതിനിടെ പാപ്പരാസികള്‍ സാമന്തയുടെ ചിത്രങ്ങള്‍ പകര്‍ത്തുകയായിരുന്നു. എയര്‍പോര്‍ട്ട് ഔട്ട്‌ഫിറ്റിലാണ് താരം വിമാനത്താവളത്തില്‍ എത്തിയത്. വെള്ള നിറമുള്ള ടീ ഷര്‍ട്ടും, നീല പാന്‍റ്‌സും, കറുത്ത ജാക്കറ്റും കറുത്ത തൊപ്പിയുമായിരുന്നു താരം ധരിച്ചിരുന്നത്.
-
Our @Samanthaprabhu2 is back to HYD post wrapping up #Kushi Shoot at Rajahmundry! 💗🫶🏻
— Samantha FC || TWTS™ (@Teamtwts2) July 7, 2023 " class="align-text-top noRightClick twitterSection" data="
📸 @ArtistryBuzz#Samantha #SamanthaRuthPrabhu pic.twitter.com/SnzuXEpSIY
">Our @Samanthaprabhu2 is back to HYD post wrapping up #Kushi Shoot at Rajahmundry! 💗🫶🏻
— Samantha FC || TWTS™ (@Teamtwts2) July 7, 2023
📸 @ArtistryBuzz#Samantha #SamanthaRuthPrabhu pic.twitter.com/SnzuXEpSIYOur @Samanthaprabhu2 is back to HYD post wrapping up #Kushi Shoot at Rajahmundry! 💗🫶🏻
— Samantha FC || TWTS™ (@Teamtwts2) July 7, 2023
📸 @ArtistryBuzz#Samantha #SamanthaRuthPrabhu pic.twitter.com/SnzuXEpSIY
വരുൺ ധവാനൊപ്പമുള്ള Varun Dhawan 'സിറ്റാഡൽ' Citadel പൂർത്തിയാക്കിയ ശേഷം കുറഞ്ഞത് ഒരു വർഷത്തേയ്‌ക്കെങ്കിലും അഭിനയം നിർത്തിവച്ചിരിക്കുകയാണ് സാമന്ത. സ്വന്തം ആരോഗ്യാവസ്ഥ കണക്കിലെടുത്താണ് ഈ ഇടവേള എന്നാണ് താരത്തോടടുത്ത വൃത്തങ്ങള്‍ പറയുന്നത്. ആരോഗ്യത്തിന് മുൻഗണന നൽകാനും മയോസൈറ്റിസ് തെറാപ്പിക്കായി യുഎസിലേക്ക് പോകാനുമുള്ള പദ്ധതികൾ ഉള്ളതിനാലുമാണ് സിനിമയില്‍ നിന്നും ഇടവേള എടുക്കുന്നത് എന്നാണ് സാമന്തയോടടുത്ത വൃത്തങ്ങള്‍ പറയുന്നത്.
Also Read: സെർബിയയിൽ രാഷ്‌ട്രപതി മുർമുവുമായി കൂടിക്കാഴ്‌ച നടത്തി വരുൺ ധവാനും സാമന്തയും
അതേസമയം താരം കുറച്ച് മാസങ്ങൾക്ക് മുമ്പ് തന്നെ അഭിനയത്തിൽ നിന്ന് അവധിയെടുക്കാൻ തീരുമാനിച്ചിരുന്നു. 'കുഷി'യുടെയും 'സിറ്റാഡലി'ന്‍റെയും ചിത്രീകരണം പൂര്‍ത്തിയാക്കാന്‍ കാത്തിരിക്കുകയായിരുന്നു സാമന്ത. ഒരു വർഷത്തെ ഇടവേള എടുക്കാന്‍ പദ്ധതി ഇട്ട താരം ഇപ്പോള്‍ ഒരു പ്രൊജക്‌ടിനും കരാര്‍ ഒപ്പുവച്ചിട്ടില്ല.
2022ലാണ് സാമന്ത തന്‍റെ മയോസൈറ്റിസ് Myositis രോഗാവസ്ഥയെ കുറിച്ച് ഈ ലോകത്തോട് വെളിപ്പെടുത്തിയത്. തുടര്‍ന്ന് താരം ആറ് മാസത്തെ ചികിത്സയ്‌ക്ക് വിധേയയായതായാണ് റിപ്പോര്‍ട്ടുകള്‍. തന്‍റെ ആരോഗ്യം പൂര്‍ണമായി വീണ്ടെടുക്കാനുള്ള തയ്യാറെടുപ്പിലാണിപ്പോള്‍ താരം. തന്‍റെ ചികിത്സയ്‌ക്കായി സാമന്ത ഓഗസ്‌റ്റില്‍ യുഎസിലേയ്‌ക്ക് പോകും.
മയോസൈറ്റിസ് രോഗം സ്ഥിരീകരിച്ചിട്ട് ഒരു വർഷം തികഞ്ഞ സാഹചര്യത്തില്‍ വികാരനിര്‍ഭര കുറിപ്പുമായി താരം സോഷ്യല്‍ മീഡിയയില്‍ എത്തിയിരുന്നു. ഇന്‍സ്‌റ്റഗ്രാമിലൂടെയാണ് താരം തന്‍റെ രോഗ പോരാട്ട ദിനങ്ങളെ കുറിച്ച് വിവരിച്ചത്. ഒപ്പം ഏതാനും ചിത്രങ്ങളും താരം പങ്കുവച്ചിരുന്നു.
'രോഗ നിര്‍ണയം നടത്തിയിട്ട് ഇന്നേയ്‌ക്ക് ഒരു വര്‍ഷം തികയുന്നു. ഒരു പുതിയ സാധാരണ അവസ്ഥയുടെ നിർബന്ധിതമായ ഒരു വർഷം. ഉപ്പില്ല, മധുരമില്ല, മരുന്നുകള്‍ ആഹാരമായി, ഉള്‍വലിഞ്ഞ് നില്‍ക്കാന്‍ നിര്‍ബന്ധിതമായ ദിനങ്ങള്‍, നിര്‍ബന്ധിത തിരിച്ചുവരവുകള്‍... തുടങ്ങി ശരീരവുമായി യുദ്ധം ചെയ്‌ത നാളുകള്‍. ജീവിതത്തിന്‍റെ അര്‍ഥവും, പ്രതിഫലനവും, ആത്മ പരിശോധന നടത്താനും സഹായിച്ച ഒരു വര്‍ഷം.
പ്രൊഫഷണലി പരാജയപ്പെട്ട ഒരു വര്‍ഷം,കാര്യങ്ങൾ കൂടുതൽ രസകരമാക്കാന്‍... പ്രാര്‍ഥനകളുടെയും പൂജകളുടെയും ഒരു വര്‍ഷം. അനുഗ്രഹങ്ങള്‍ക്കും സമ്മാനങ്ങള്‍ക്കും വേണ്ടി അല്ല, ശക്തിയും സമാധാനവും കണ്ടെത്താനുള്ള പ്രാര്‍ഥന'- ഇപ്രകാരമായിരുന്നു സാമന്ത ഇന്‍സ്‌റ്റഗ്രാമില്‍ കുറിച്ചത്.
