മുംബൈ: ലോകത്തിലെ ഏറ്റവും മികച്ച ഭർത്താവാകാനുള്ള മത്സരത്തിലാണ് രൺബീർ കപൂർ. അടുത്തിടെ നടന്ന സീ സിനിമ അവാർഡ്‌സിൽ മികച്ച നടിക്കുള്ള പുരസ്‌കാരം ഗംഗുഭായ് കത്യവാഡിയിലെ പ്രകടനത്തിന് ആലിയക്ക് ലഭിച്ചിരുന്നു. ഈ പുരസ്‌കാരവും കയ്യിൽ പിടിച്ച് നിൽക്കുന്ന ആലിയയുടെതായി രണ്‍ബീര്‍ എടുത്ത ചിത്രം വൈറലാവുകയും ചെയ്‌തു. അവാർഡ് നിശയിലെ ഒരുപാടു ചിത്രങ്ങൾ ആലിയ പോസ്റ്റ് ചെയ്‌തിരുന്നെങ്കിലും ആരാധകരുടെ മനംകവർന്നത് അവാർഡും കയ്യിൽ പിടിച്ച് രാത്രി രണ്ട് മണിക്ക് വീട്ടിലെ കട്ടിലിൽ ഇരിക്കുന്ന ആലിയയുടെ രൺബീർ എടുത്ത ചിത്രമായിരുന്നു.
'ഗംഗുവിനോടുള്ള ഇഷ്‌ട്ടം (ഗംഗുഭായ് കത്യവാഡിയിലെ ആലിയയുടെ കഥാപാത്രം) നന്ദി സീ സിനിമ അവാർഡ് എനിക്ക് നൽകിയ ഈ ബഹുമതിക്ക്, സർ(സഞ്ജയ് ലീല ബന്‍സാലി) ഞാൻ നിങ്ങളോട് എത്ര നന്ദിയുള്ളവളാണെന്ന് പറഞ്ഞറിയിക്കാനാകില്ല. രാത്രി രണ്ട് മണിക്ക് ഇത്രയും ക്ഷമയോടെ എൻ്റെ ചിത്രമെടുത്ത എൻ്റെ ഭർത്താവിന് എൻ്റെ വക ഒരു പ്രത്യേക മെൻഷൻ' എന്നായിരുന്നു ചിത്രത്തിനോടൊപ്പം ആലിയ കുറിച്ചത്. തനിക്ക് ലഭിച്ച അവസരത്തിന് ഗംഗുഭായ് കത്യവാഡി സംവിധായകൻ സഞ്ജയ് ലീല ബൻസാലിയോടും ആലിയ നന്ദി പറഞ്ഞു.
തൻ്റെ ഇൻസ്റ്റഗ്രാം സ്റ്റോറിയായി പങ്കിട്ട ചിത്രത്തിൽ, ആലിയയെ തൻ്റെ ഏറ്റവും തന്മയത്വം നിറഞ്ഞ ഭാവത്തിലാണ് കാണാൻ കഴിയുക. ചിത്രത്തിൽ എടുത്തുകാട്ടുന്നത് അവാർഡാണെങ്കിൽ കൂടി ആലിയയുടെ സുന്ദരമായ ചിരി ചിത്രത്തിൽ വ്യക്‌തമാണ്. ആലിയയുടെ അവാർഡിനിടയിലൂടെയുള്ള ഒളിഞ്ഞുനോട്ടം വളരെ കുട്ടിത്തം നിറഞ്ഞതാണ്. അഴിച്ചിട്ട മുടിയും നരച്ച പൈജാമയും വെളുത്ത അയഞ്ഞ ടീ ഷർട്ടും ധരിച്ചാണ് ആലിയ ഇൻസ്റ്റഗ്രാമിൽ ചിത്രം പങ്കിട്ടത്. സ്വന്തം വീട്ടിൽ സമാധാനമായിരുന്നുകൊണ്ട് ജീവിതത്തിലെ ഒരു മികച്ച നിമിഷം പകർത്താൻ സഹായിച്ചതിന് ചിത്രത്തിൻ്റെ ക്രെഡിറ്റ് തീർച്ചയായും രൺബീർ കപൂറിനാണ്.
- " class="align-text-top noRightClick twitterSection" data="
">
സീ സിനിമ അവാർഡ് 2023 ൽ ഒരു ഗ്ലാമറസ് ലുക്ക് തിരഞ്ഞെടുത്തുകൊണ്ട് ആലിയ റെഡ് കാർപെറ്റ് സ്വന്തമാക്കി. തിളങ്ങുന്ന പച്ച ഹൈ സ്ലിറ്റ് ഗൗണിൽ തലമുടിയഴിച്ചിട്ട് കൂടുതൽ ആഭരണങ്ങളൊഴിവാക്കി ഒരു മിനിമൽ ലുക്കിലാണ് അവാർഡ് നിശയുടെ പ്രധാന ആകർഷണമായി ആലിയ മാറിയത്. രൺബീറും ആലിയയും ഇപ്പോൾ മകൾ രാഹ ഭട്ട് കപൂറിനൊപ്പം സമയം ചിലവഴിക്കുകയാണ്. 2022 നവംബറിലാണ് ദമ്പതികൾ മാതാപിതാക്കളായത്.
