രൺബീർ കപൂറിനെ (Ranbir Kapoor) നായകനാക്കി സന്ദീപ് റെഡ്ഡി വംഗ (Sandeep Reddy Vanga) സംവിധാനം ചെയ്യുന്ന 'അനിമല്‍' (Animal) പ്രഖ്യാപനം മുതല്‍ മാധ്യമശ്രദ്ധ നേടിയിരുന്നു. 'അനിമല്‍' ഫസ്റ്റ് ലുക്ക് (Animal First Look) പുറത്തിറങ്ങിയത് മുതല്‍ സിനിമയെ കുറിച്ചുള്ള ഓരോ അപ്‌ഡേറ്റുകളും ആരാധകര്‍ ആഘോഷമാക്കാറുണ്ട്.
നിലവില്‍ 'അനിമലു'മായി ബന്ധപ്പെട്ടുള്ള പുതിയ അപ്‌ഡേറ്റ് പുറത്തുവിട്ടിരിക്കുകയാണ് അണിയറപ്രവര്‍ത്തകര്‍. 'അനിമല്‍' ടീസര്‍ (Animal Teaser) സംബന്ധിച്ച വിവരമാണ് ഇപ്പോള്‍ പുറത്തുവരുന്നത്. രണ്‍ബീര്‍ കപൂറിന്‍റെ ജന്മദിനമായ സെപ്‌റ്റംബര്‍ 28ന് 'അനിമല്‍' ടീസര്‍ റിലീസ് ചെയ്യും (Animal Teaser on Ranbir Kapoor birthday).
-
Teaser on🪓September 28th#AnimalTeaserOn28thSept@AnimalTheFilm@AnilKapoor #RanbirKapoor @iamRashmika @thedeol @tripti_dimri23 @imvangasandeep #BhushanKumar @VangaPranay @MuradKhetani #KrishanKumar @anilandbhanu @VangaPictures @TSeries @rameemusic #ShivChanana @sureshsrajan pic.twitter.com/0gyN91PYZv
— Sandeep Reddy Vanga (@imvangasandeep) September 18, 2023 " class="align-text-top noRightClick twitterSection" data="
">Teaser on🪓September 28th#AnimalTeaserOn28thSept@AnimalTheFilm@AnilKapoor #RanbirKapoor @iamRashmika @thedeol @tripti_dimri23 @imvangasandeep #BhushanKumar @VangaPranay @MuradKhetani #KrishanKumar @anilandbhanu @VangaPictures @TSeries @rameemusic #ShivChanana @sureshsrajan pic.twitter.com/0gyN91PYZv
— Sandeep Reddy Vanga (@imvangasandeep) September 18, 2023Teaser on🪓September 28th#AnimalTeaserOn28thSept@AnimalTheFilm@AnilKapoor #RanbirKapoor @iamRashmika @thedeol @tripti_dimri23 @imvangasandeep #BhushanKumar @VangaPranay @MuradKhetani #KrishanKumar @anilandbhanu @VangaPictures @TSeries @rameemusic #ShivChanana @sureshsrajan pic.twitter.com/0gyN91PYZv
— Sandeep Reddy Vanga (@imvangasandeep) September 18, 2023
സംവിധായകൻ സന്ദീപ് റെഡ്ഡി വംഗ ആണ് എക്‌സിലൂടെ (നേരത്തെ ട്വിറ്റര്‍) ടീസര്‍ റിലീസ് പ്രഖ്യാപിച്ചിരിക്കുന്നത്. 'ടീസർ സെപ്‌തംബർ 28 ന്' -ഇപ്രകാരമാണ് സന്ദീപ് റെഡ്ഡി എക്‌സില്‍ കുറിച്ചത്. ഒപ്പം 'അനിമലി'ന്‍റെ പുതിയ പോസ്‌റ്ററും പങ്കുവച്ചിട്ടുണ്ട്. ഗംഭീര ഗെറ്റപ്പിലുള്ള രണ്‍ബീര്‍ കപൂറാണ് പുതിയ പോസ്‌റ്ററില്‍. സെപ്‌റ്റംബര്‍ 28ന് രാവിലെ 10 മണിക്ക് ടീസര്‍ റിലീസ് ചെയ്യുമെന്നും പോസ്‌റ്ററില്‍ പരാമര്‍ശിച്ചിട്ടുണ്ട്.
Also Read: ക്ലീന്‍ ഷേവ് ചെയ്‌ത് സ്‌കൂള്‍ യൂണിഫോമില്‍ രണ്‍ബീര്‍ കപൂര്‍; അനിമല്‍ ദൃശ്യം ചോര്‍ന്നു
രശ്‌മിക മന്ദാന ആണ് ചിത്രത്തില്‍ നായികയായി എത്തുന്നത്. അനിൽ കപൂർ, ബോബി ഡിയോൾ, തൃപ്‌തി ദിമ്രി തുടങ്ങിയവരും സുപ്രധാന വേഷങ്ങളില്‍ എത്തും. എല്ലാ സിനിമാസ്വാദകര്‍ക്കും ആസ്വദിക്കാന്‍ തക്ക ഒരു ദൃശ്യവിരുന്നായിരിക്കും 'അനിമല്‍' സമ്മാനിക്കുക എന്നാണ് അണിയറപ്രവര്‍ത്തകര്‍ ഉറപ്പ് നല്‍കുന്നത്.
'അനിമല്‍' നേരത്തെ സെപ്‌റ്റംബറില്‍ റിലീസ് ചെയ്യാനായിരുന്നു നിര്‍മാതാക്കള്‍ നിശ്ചയിച്ചിരുന്നത്. എന്നാല്‍ ഷാരൂഖ് ഖാന്‍റെ 'ജവാന്‍' റിലീസിനെ തുടര്‍ന്നാണ് 'അനിമല്‍' റിലീസ് മാറ്റിവച്ചത്. ഡിസംബര്‍ 1 ആണ് 'അനിമലി'ന്‍റെ പുതിയ റിലീസ് തീയതി. ഹിന്ദിയ്‌ക്ക് പുറമെ മലയാളം, തമിഴ്‌, തെലുഗു, കന്നഡ എന്നീ ഭാഷകളിലും ചിത്രം റിലീസ് ചെയ്യും.
എന്നാല്‍ ഷാരൂഖ് ഖാന്‍റെ മറ്റൊരു പുതിയ ചിത്രമായ 'ഡുങ്കി'യും ഈ വര്‍ഷം ഡിസംബറില്‍ റിലീസ് ചെയ്യും. അങ്ങനെയെങ്കില്‍ വീണ്ടും ഷാരൂഖ് ചിത്രവുമായി 'അനിമലി'ന് ബോക്‌സോഫിസില്‍ ഏറ്റുമുട്ടേണ്ടി വരും.
Also Read: 'സ്റ്റൈലന്‍' ചിരിയുമായി രൺബീറും രശ്‌മികയും; അനിമല്‍ സെറ്റിലെ വൈറല്‍ ചിത്രം പുറത്ത്
ഒരു ഗ്യാങ്സ്‌റ്റർ ഡ്രാമ ആക്ഷൻ ത്രില്ലര്‍ വിഭാഗത്തില്‍ ഒരുങ്ങുന്ന ചിത്രത്തില്‍ ഒരു ഗ്യാങ്‌സ്‌റ്ററായാണ് രണ്‍ബീര്‍ പ്രത്യക്ഷപ്പെടുന്നത് എന്നാണ് സൂചന. ഇതിനോടകം തന്നെ രണ്‍ബീര്‍ കപൂറിന്‍റെ 'അനിമല്‍' ലുക്കുകള്‍ സോഷ്യല്‍ മീഡിയയുടെ ശ്രദ്ധ ആകര്‍ഷിച്ചിരുന്നു.
കൈയിൽ കോടാലി പിടിച്ച് ദേഹമാകെ രക്തക്കറയുമായി സിഗരറ്റ് കത്തിക്കുന്ന രണ്‍ബീര്‍ ആയിരുന്നു 'അനിമല്‍' ഫസ്‌റ്റ്‌ലുക്കില്‍. ഫസ്റ്റ് ലുക്കിന് പിന്നാലെ ആദ്യ ലുക്കില്‍ നിന്നും വ്യത്യസ്‌തമായ രണ്‍ബീറിന്‍റെ മറ്റൊരു ഗെറ്റപ്പും സോഷ്യല്‍ മീഡിയയില്‍ തരംഗമായി മാറിയിരുന്നു. ക്ലീന്‍ ഷേവ് ചെയ്‌ത് യുവത്വം നിറഞ്ഞ മറ്റൊരു ഗെറ്റപ്പിലുള്ള രണ്‍ബീറിന്‍റെ വീഡിയോയും സോഷ്യല്‍ മീഡിയയില്‍ തരംഗമായിരുന്നു. സ്‌കൂള്‍ പശ്ചാത്തലത്തില്‍ ക്ലാസ് മുറിക്ക് മുന്നില്‍ നില്‍ക്കുന്ന രണ്‍ബീര്‍ കപൂര്‍ ആയിരുന്നു വീഡിയോയില്‍.
ടീ സീരീസ്, ഭദ്രകാളി പിക്‌ചേഴ്‌സ്‌ എന്നി ബാനറുകളില്‍ ഭൂഷണ്‍ കുമാറും പ്രണവ് റെഡ്ഡി വംഗയും ചേര്‍ന്നാണ് സിനിമയുടെ നിര്‍മാണം. അമിത് റോയ് ആണ് സിനിമയുടെ ഛായാഗ്രഹണം.
Also Read: രക്തത്തില്‍ കുളിച്ച് കയ്യില്‍ കോടാലിയും പിടിച്ച് രണ്‍ബീര്‍; അനിമല്‍ പോസ്‌റ്റര്‍ വൈറല്‍
