പഞ്ചാബ് തെരഞ്ഞെടുപ്പ്: അമരീന്ദർ സിങ് പട്യാലയിൽ മത്സരിക്കും, ആദ്യ ഘട്ട സ്ഥാനാർഥി പട്ടിക പുറത്തുവിട്ടു

പഞ്ചാബ് ലോക് കോൺ​ഗ്രസിന്‍റെ 22 പേരടങ്ങുന്ന ആദ്യഘട്ട സ്ഥാനാർഥി പട്ടിക അമരീന്ദർ സിങ് പുറത്തുവിട്ടു

ചണ്ഡിഗഡ്: വരാനിരിക്കുന്ന നിയമസഭ തെരഞ്ഞെടുപ്പിൽ പഞ്ചാബ് മുൻമുഖ്യമന്ത്രിയും പഞ്ചാബ് ലോക് കോൺ​ഗ്രസ് നേതാവുമായ അമരീന്ദർ സിങ് മത്സരിക്കും. അമരീന്ദർ സിങ് തന്നെയാണ് ഇക്കാര്യം അറിയിച്ചത്. പട്യാല അ‌ർബനിൽ നിന്ന് ജനവിധി തേടുമെന്ന് പഞ്ചാബ് മുൻ മുഖ്യമന്ത്രി അറിയിച്ചു.

പഞ്ചാബ് ലോക് കോൺ​ഗ്രസിന്‍റെ 22 പേരടങ്ങുന്ന സ്ഥാനാർഥി പട്ടികയും ക്യാപ്റ്റൻ പുറത്തുവിട്ടു. 22 പേരിൽ 17 സ്ഥാനാർഥികൾ മൽവ മേഖലയിൽ നിന്നാണ്. രണ്ടാം ഘട്ട സ്ഥാനാർഥി പട്ടിക അടുത്ത രണ്ട് ദിവസത്തിനുള്ളിൽ പുറത്തുവിടുമെന്ന് അമരീന്ദർ സിങ് വ്യക്തമാക്കി.