കോയമ്പത്തൂർ : പ്രായപൂർത്തിയാകാത്ത ആൺകുട്ടിയെ ലൈംഗികമായി പീഡിപ്പിച്ച കേസിൽ യുവതി അറസ്റ്റിൽ. പൊള്ളാച്ചിക്ക് സമീപം പെട്രോൾ പമ്പിൽ ജോലിചെയ്‌തുവന്നിരുന്ന യുവതി ഏതാനും മാസങ്ങൾക്ക് മുമ്പാണ് ആൺകുട്ടിയുമായി സൗഹൃദത്തിലാകുന്നത്.
തുടർന്ന് ഓഗസ്റ്റ് 26 മുതൽ ഇരുവരെയും കാണാതായി. ഇതോടെ ആൺകുട്ടിയുടെ മാതാപിതാക്കൾ പൊലീസിൽ പരാതി നൽകി.
ALSO READ: ബോളിവുഡ് നടൻ അർമാൻ കോലി മയക്കുമരുന്ന് കേസിൽ അറസ്റ്റിൽ
പൊലീസ് അന്വേഷണത്തിൽ ഇരുവരും വിവാഹിതരായതായും കോയമ്പത്തൂരിൽ ഒരുമിച്ച് താമസിച്ച് വരികയായിരുന്നുവെന്നും കണ്ടെത്തി.
സംഭവത്തിൽ യുവതിക്കെതിരെ പോക്‌സോ ആക്‌ട് പ്രകാരം കേസെടുത്തു. യുവതിയെ വനിത കോടതിയിൽ ഹാജരാക്കിയതായും ആൺകുട്ടിയെ മാതാപിതാക്കളെ ഏൽപ്പിച്ചതായും പൊലീസ് അറിയിച്ചു.
