ബെംഗളൂരു: ദക്ഷിണാഫ്രിക്കയിലെ ബ്രിക്‌സ് ഉച്ചകോടിയ്‌ക്കും (15th BRICS Summit South Africa) ഗ്രീസ് സന്ദര്‍ശനത്തിനും ശേഷം പ്രധാനമന്ത്രി നരേന്ദ്ര മോദി (PM Modi Returns To India After BRICS) മടങ്ങിയെത്തി. ചന്ദ്രയാന്‍ 3 (Chandrayaan 3) ദൗത്യത്തിന്‍റെ ഭാഗമായ ഐഎസ്‌ആര്‍ഒ (ISRO) ശാസ്‌ത്ര സംഘത്തെ നേരില്‍ കണ്ട് അഭിനന്ദിക്കുന്നതിനായി ബെംഗളൂരുവിലാണ് പ്രധാനമന്ത്രി നരേന്ദ്ര മോദി (PM Modi In Bengaluru) എത്തിയത്. ബെംഗളൂരുവിലെ എച്ച്എഎല്‍ വിമാനത്താവളത്തില്‍ എത്തിയ പ്രധാനമന്ത്രിയെ കര്‍ണാടക ചീഫ് സെക്രട്ടറി വന്ദിത ശര്‍മ, ഡിജിപി അലോക് മോഹന്‍, മറ്റ് ഉദ്യോഗസ്ഥര്‍ എന്നിവര്‍ ചേര്‍ന്ന് സ്വീകരിച്ചു.
'ചന്ദ്രയാന്‍ 3ന്‍റെ വിജയത്തിലൂടെ ഇന്ത്യയെ അഭിമാനം കൊള്ളിച്ച നമ്മുടെ ഐഎസ്‌ആര്‍ഒ ശാസ്‌ത്രജ്ഞരുമായി സംവദിക്കാന്‍ കാത്തിരിക്കുന്നു. അവരുടെ അഭിനിവേശവും അര്‍പ്പണബോധവുമാണ് ബഹിരാകാശ മേഖലയിലെ നമ്മുടെ രാജ്യത്തിന്‍റെ നേട്ടങ്ങള്‍ക്ക് പിന്നിലെ ചാലകശക്തി' -പ്രധാനമന്ത്രി എക്‌സില്‍ കുറിച്ചു.
-
Landed in Bengaluru. Looking forward to interacting with our exceptional @isro scientists who have made India proud with the success of Chandrayaan-3! Their dedication and passion are truly the driving forces behind our nation's achievements in the space sector.
— Narendra Modi (@narendramodi) August 26, 2023 " class="align-text-top noRightClick twitterSection" data="
">Landed in Bengaluru. Looking forward to interacting with our exceptional @isro scientists who have made India proud with the success of Chandrayaan-3! Their dedication and passion are truly the driving forces behind our nation's achievements in the space sector.
— Narendra Modi (@narendramodi) August 26, 2023Landed in Bengaluru. Looking forward to interacting with our exceptional @isro scientists who have made India proud with the success of Chandrayaan-3! Their dedication and passion are truly the driving forces behind our nation's achievements in the space sector.
— Narendra Modi (@narendramodi) August 26, 2023
ഭൂമിയില്‍ കണ്ടു, മാനത്ത് നേടി: ഓഗസ്റ്റ് 23നാണ് രാജ്യത്തിന്‍റെ സ്വപ്‌ന പദ്ധതിയായ ചന്ദ്രയാന്‍ 3 ചന്ദ്രോപരിതലത്തില്‍ തൊട്ടത്. ചന്ദ്രയാന്‍ സോഫ്റ്റ് ലാന്‍ഡിങ് നടത്തുന്നതിന്‍റെ ദൃശ്യങ്ങള്‍ ഐഎസ്‌ആര്‍ഒ തത്സമയം സംപ്രേഷണം ചെയ്‌തിരുന്നു. തത്സമയ സംപ്രേഷണത്തിലൂടെ നിരവധി പേരാണ് ചന്ദ്രയാന്‍ 3ന്‍റെ സോഫ്റ്റ് ലാന്‍ഡിങ് വീക്ഷിച്ചത്.
സോഫ്റ്റ് ലാന്‍ഡിങ് ദിവസം ബ്രിക്‌സ് ഉച്ചകോടിയില്‍ പങ്കെടുക്കുന്നതിനായി പ്രധാനമന്ത്രി നരേന്ദ്ര മോദി ദക്ഷിണാഫ്രിക്കയിലെ ജോഹന്നാസ്‌ബര്‍ഗിലായിരുന്നു. ബ്രിക്‌സ് ഉച്ചകോടിയ്‌ക്കിടെ പ്രധാനമന്ത്രി ജോഹന്നാസ്‌ബര്‍ഗില്‍ നിന്നും ഓണ്‍ലൈനായി ചേര്‍ന്ന് ചന്ദ്രയാന്‍ 3 സോഫ്റ്റ് ലാന്‍ഡിങ്ങിന് സാക്ഷിയായി. ചന്ദ്രയാന്‍ 3 വിജയകരമായി സോഫ്റ്റ് ലാന്‍ഡിങ് നടത്തിയതിന് പിന്നാലെ പ്രശംസയുമായി പ്രധാനമന്ത്രി എത്തിയിരുന്നു.
'നമ്മള്‍ ഭൂമിയില്‍ സ്വപ്‌നം കണ്ട് ചന്ദ്രനില്‍ സാക്ഷാത്‌കരിച്ചു' എന്നായിരുന്നു പ്രധാനമന്ത്രി അന്ന് പ്രതികരിച്ചത്. ചന്ദ്രയാന്‍ 3 (Chandrayaan 3) ന്‍റെ വിജയം ഇന്ത്യയുടെ മാത്രം വിജയമല്ല മറിച്ച് മനുഷ്യത്വത്തിന്‍റേത് കൂടിയാണെന്നും ജോഹന്നാസ്‌ബര്‍ഗില്‍ നിന്നും രാജ്യത്തെ അഭിസംബോധന ചെയ്‌ത് കൊണ്ട് പ്രധാനമന്ത്രി പറഞ്ഞു. രാജ്യത്തിന്‍റെ ചന്ദ്രനിലേക്കുള്ള പ്രയാണത്തിന്‍റെ മികച്ച വിജയമാണിതെന്നും ഇന്ത്യന്‍ മഹത്വത്തിന്‍റെ തെളിവാണിതെന്നും അദ്ദേഹം പ്രതികരിച്ചിരുന്നു.
'ഇന്ത്യന്‍ ജനതയുടെ സൗഭാഗ്യത്തിന്‍റെയും പുതിയ അവസരങ്ങളുടെയും നിമിഷമാണിത്. 140 കോടി ജനങ്ങള്‍ തിങ്ങി പാര്‍ക്കുന്ന ഇന്ത്യക്ക് ഇത്തരം ചരിത്ര നിമിഷങ്ങള്‍ ഏറെ അഭിമാനകരമാണ്. ഇത് ഇന്ത്യയുടെ പുതിയ സൂര്യോദയമാണ്. മഹത്തായ ഈ ചന്ദ്രയാന്‍ ദൗത്യം ഇന്ത്യയുടെ അതിര്‍ വരമ്പുകളില്‍ മാത്രം ഒതുങ്ങി നില്‍ക്കുന്നതല്ല. അത് പ്രപഞ്ചം മൊത്തം വ്യാപിക്കുന്നതാണ്. മനുഷ്യ കേന്ദ്രീകൃത തത്ത്വചിന്തകളുടെ ഉത്തമ ഉദാഹരണമാണിത്.
ഇന്ത്യയുടെ വിജയം ആഗോള സമൂഹവുമായി പങ്കിട്ടു. ഇന്ത്യയുടെ വിജയം മറ്റ് രാജ്യങ്ങള്‍ ബഹിരാകാശ പര്യവേക്ഷണങ്ങള്‍ നടത്തുന്നതിന് പ്രചോദനത്തിനുള്ള ചവിട്ടുപടികളാകും' -പ്രധാനമന്ത്രി പറഞ്ഞു. ബഹിരാകാശ യാത്രയുടെ തടസങ്ങള്‍ കുറയ്‌ക്കാന്‍ കഴിഞ്ഞിട്ടുണ്ടെന്നും അത്തരം സാഹചര്യങ്ങളുണ്ടായതോടെ ഇനിയും വലിയ ദൗത്യങ്ങള്‍ വിജയകരമായി പൂര്‍ത്തിയാക്കാന്‍ സാധിക്കുമെന്ന് പ്രതീക്ഷിക്കുന്നുവെന്നും പ്രധാനമന്ത്രി നരേന്ദ്ര മോദി വ്യക്തമാക്കിയിരുന്നു.
