ന്യൂഡൽഹി: മാതാപിതാക്കൾക്ക് ഒരു അടിപൊളി സർപ്രൈസ് കൊടുക്കണമെന്നത് ഏവരുടെയും ആഗ്രഹമാണ്. അതും മക്കളുടെ ഉയർച്ച കണ്ട് മാതാപിതാക്കള്‍ അഭിമാനിക്കുന്ന ഒരു സർപ്രൈസ് ആയാലോ. ഇരട്ടി സന്തോഷം ആയിരിക്കുമല്ലേ ആ നിമിഷം നൽകുന്നത്.
രാജസ്ഥാന്‍ സ്വദേശിയായ കമല്‍ കുമാര്‍ എന്ന പൈലറ്റ് അതിനായി തിരഞ്ഞെടുത്തത് വ്യത്യസ്‌തമായൊരു മാർഗമാണ്. താന്‍ പറത്തിയ വിമാനത്തില്‍ അച്ഛനും അമ്മയ്‌ക്കുമായി സര്‍പ്രൈസ് യാത്രയാണ് കമല്‍ കുമാര്‍ ഒരുക്കിയത്. തങ്ങൾ യാത്ര ചെയ്യാൻ പോകുന്നത് മകൻ പറത്തുന്ന വിമാനത്തിലാണെന്ന് അവര്‍ അറിഞ്ഞിരുന്നില്ല.
വിമാനത്തിനുള്ളില്‍ പൈലറ്റ് യൂണിഫോമില്‍ മകനെ കണ്ട അവര്‍ ആശ്ചര്യപ്പെടുക തന്നെ ചെയ്‌തു. ഈ ഹൃദയസ്‌പര്‍ശിയായ നിമിഷത്തിന്‍റെ വീഡിയോ കമല്‍ കുമാര്‍ ഇന്‍സ്‌റ്റഗ്രാമില്‍ പങ്കുവച്ചു. കമല്‍ കുമാറിന്‍റെ അമ്മ വിമാനത്തില്‍ പ്രവേശിക്കുന്നതും മകനെ കാണുന്നതും വീഡിയോയിലുണ്ട്. തന്‍റെ നേര്‍ക്ക് ചിരിച്ചുകൊണ്ടു നില്‍ക്കുന്ന മകനെ കണ്ട് എന്തു ചെയ്യണമെന്നറിയാതെ അല്‍പ്പനേരം അമ്മ അവിടെ നിന്നു.
- " class="align-text-top noRightClick twitterSection" data="
">
തുടര്‍ന്ന് സന്തോഷഭരിതയായി ചിരിക്കുകയും കമലിന്‍റെ കൈകളില്‍ പിടിക്കുകയും ചെയ്യുന്നു. 20 ലക്ഷത്തിലധികം ആളുകളാണ് ഇതിനോടകം വീഡിയോ കണ്ടത്. 1.15 ലക്ഷത്തോളം പേർ ലൈക്ക് ചെയ്‌തിട്ടുമുണ്ട്.
കോക്‌പീറ്റിനുള്ളില്‍ മാതാപിതാക്കള്‍ക്കൊപ്പം പൈലറ്റ് ഇരിക്കുന്നതിന്‍റെ ചിത്രങ്ങളും വീഡിയോയിലുണ്ട്. ‘വിമാനത്തിലെ സര്‍പ്രൈസ്, അവര്‍ വീട്ടിലേക്ക് പറക്കുന്നു’ എന്ന കുറിപ്പോടു കൂടിയാണ് കമല്‍ വീഡിയോ പങ്കുവച്ചത്''. വിമാനം പറത്താന്‍ തുടങ്ങിയത് മുതല്‍ ഞാന്‍ ഈ നിമിഷത്തിനായി കാത്തിരിക്കുകയായിരുന്നു. ഒടുവില്‍ അവരെ ജയ്‌പൂരിലേക്ക് തിരികെ കൊണ്ടുപോകാന്‍ എനിക്ക് സാധിച്ചു. ഇത് വല്ലാത്താരു അനുഭൂതിയാണ്, കമല്‍ കുറിച്ചു.
ഇതിന് മുമ്പും ഇത്തരം വീഡിയോകൾ സമൂഹ മാധ്യമങ്ങളിൽ വൈറലായിട്ടുണ്ട്. ഒരു പൈലറ്റ് തന്‍റെ ഭാര്യയെ വിമാനത്തിനുള്ളിലെ അറിയിപ്പിലൂടെ അത്ഭുതപ്പെടുത്തിയതും, മകൾ പൈലറ്റായ അച്ഛനെ കണ്ട് സന്താഷം സഹിക്കാനാകാതെ പപ്പാ.. പപ്പാ.. എന്ന് വിളിക്കുന്ന വീഡിയോയും നിരവധി ആളുകളാണ് കണ്ടത്.
