മെഗാസ്‌റ്റാര്‍ മമ്മൂട്ടിയുടെ (Megastar Mammootty) പുതിയ ചിത്രമാണ് 'കണ്ണൂര്‍ സ്‌ക്വാഡ്' (Kannur Squad). പ്രഖ്യാപനം മുതല്‍ ശ്രദ്ധ നേടിയ സിനിമയുടെ അപ്‌ഡേറ്റുകള്‍ ആരാധകര്‍ ആവേശപൂര്‍വം ഏറ്റെടുക്കാറുണ്ട് (Kannur Squad Release).
ഇപ്പോഴിതാ സിനിമയുടെ റിലീസുമായി ബന്ധപ്പെട്ടുള്ള ഒരു വിവരമാണ് ആരാധകരുടെ ശ്രദ്ധ ആകര്‍ഷിക്കുന്നത്. സെപ്‌റ്റംബര്‍ 28ന് 'കണ്ണൂര്‍ സ്‌ക്വാഡ്' തിയേറ്ററുകളില്‍ (Kannur Squad theatre release) എത്തും എന്നാണ് സൂചന. എന്നാല്‍ ഇക്കാര്യത്തില്‍ അണിയറപ്രവര്‍ത്തകരുടെ ഭാഗത്ത് നിന്നും ഇതുവരെ ഔദ്യോഗിക സ്ഥിരീകരണം ഉണ്ടായിട്ടില്ല.
കേരളത്തില്‍ മാത്രം ചിത്രം 300 ഓളം സ്‌ക്രീനുകളില്‍ റിലീസിനെത്തും എന്നും റിപ്പോര്‍ട്ടുണ്ട്. മമ്മൂട്ടിയുടെ ജന്മദിനത്തോടനുബന്ധിച്ച് (Mammootty Birthday) സെപ്‌റ്റംബര്‍ 7ന് 'കണ്ണൂര്‍ സ്‌ക്വാഡി'ന്‍റെ ടീസര്‍ റിലീസ് (Kannur Squad teaser release) ചെയ്യുമെന്നും വിവരമുണ്ട്.
Also Read: ബസൂക്ക പൂര്‍ത്തിയാക്കി മമ്മൂട്ടി ; സെറ്റില്‍ അബിന്‍റെ കൈ പിടിച്ച് കേക്ക് മുറിച്ച് താരം
അടുത്തിടെ 'കണ്ണൂര്‍ സ്‌ക്വാഡി'ന്‍റെ ചിത്രീകരണം (Kannur Squad shooting ends) പൂര്‍ത്തിയായിരുന്നു. മുംബൈ, പൂനെ, ഉത്തര്‍പ്രദേശ്, മംഗളൂരു, ബെല്‍ഗാം, കോയമ്പത്തൂര്‍,കണ്ണൂര്‍, കാസര്‍കോട്, തിരുവനന്തപുരം, വയനാട്, കൊച്ചി, പാലാ, അതിരപ്പിള്ളി, എന്നിവിടങ്ങളിലായിരുന്നു സിനിമയുടെ ചിത്രീകരണം.
മമ്മൂട്ടി നായകനായി എത്തുന്ന ചിത്രത്തില്‍ അമിത് ചക്കാലയ്‌ക്കല്‍, അസീസ് നെടുമങ്ങാട്, ഷറഫുദ്ദീന്‍ തുടങ്ങിയവരും അണിനിരക്കും. നവാഗതനായ റോബി വര്‍ഗീസ് രാജ് ആണ് സിനിമയുടെ സംവിധാനം. ഛായാഗ്രാഹകനായ റോബി വര്‍ഗീസിന്‍റെ ആദ്യ സംവിധാന സംരംഭം കൂടിയാണീ ചിത്രം.
മുഹമ്മദ് ഷാഫിയുടേതാണ് കഥ. നടന്‍ റോണി ഡേവിഡ് രാജും മുഹമ്മദ് ഷാഫിയും ചേര്‍ന്നാണ് തിരക്കഥ ഒരുക്കിയിരിക്കുന്നത്. മുഹമ്മദ് റാഹില്‍ ഛായാഗ്രഹണവും പ്രവീണ്‍ പ്രഭാകര്‍ എഡിറ്റിംഗും നിര്‍വഹിച്ചിരിക്കുന്നു. സുഷിന്‍ ശ്യാം ആണ് ചിത്രത്തിന് വേണ്ടി സംഗീതം ഒരുക്കിയിരിക്കുന്നത്.
Also Read: പേടിപ്പിക്കാനൊരുങ്ങി നൈറ്റ് ഷിഫ്‌റ്റ് സ്റ്റുഡിയോസ് ; മമ്മൂട്ടിയുടെ 'ഭ്രമയുഗം' ആദ്യ ചിത്രം
മമ്മൂട്ടി കമ്പനിയുടെ ബാനറിലാണ് 'കണ്ണൂര്‍ സ്‌ക്വാഡി'ന്‍റെ നിര്‍മാണം. ലിജോ ജോസ് പെല്ലിശ്ശേരി സംവിധാനം ചെയ്‌ത 'നന്‍പകല്‍ നേരത്ത് മയക്കം', നിസാം ബഷീറിന്‍റെ 'റോഷാക്ക്', ജിയോ ബേബിയുടെ 'കാതല്‍' എന്നിവയാണ് മമ്മൂട്ടി കമ്പനിയുടെ ബാനറില്‍ നിര്‍മിച്ച മറ്റ് ചിത്രങ്ങള്‍. ദുല്‍ഖര്‍ സല്‍മാന്‍റെ ഉടമസ്ഥതയിലുള്ള വേഫാറര്‍ ഫിലിംസാണ് ചിത്രം കേരളത്തില്‍ വിതരണത്തിന് എത്തിക്കുന്നത്.
Also Read: മലൈകോട്ടെ വാലിബന് പിന്നാലെ പുതിയ പ്രഖ്യാപനവുമായി മമ്മൂട്ടി; കൈ വിലങ്ങുമായി താരം
ചീഫ് അസോസിയേറ്റ് ഡയറക്ടേഴ്‌സ് - അരിഷ് അസ്ലം, ജിബിന്‍ ജോണ്‍, അസോസിയേറ്റ് ഡയറക്ടേഴ്‌സ് - വിഷ്‌ണു രവികുമാര്‍, വിടി ആദര്‍ശ്, വിഎഫ്എക്‌സ് ഡിജിറ്റല്‍ - ടര്‍ബോ മീഡിയ, മേക്കപ്പ് - റോണെക്‌സ് സേവ്യര്‍, വസ്ത്രാലങ്കാരം - അഭിജിത്ത്, അരുണ്‍ മനോഹര്‍, എക്‌സിക്യുട്ടീവ് പ്രൊഡ്യൂസര്‍ -എസ് ജോര്‍ജ്, പ്രൊഡക്ഷന്‍ ഡിസൈനര്‍ - ഷാജി നടുവില്‍, പ്രൊഡക്ഷന്‍ കണ്‍ട്രോളര്‍ - പ്രശാന്ത് നാരായണന്‍, ലൈന്‍ പ്രൊഡ്യൂസര്‍ - സുനില്‍ സിംഗ്, ചീഫ് അസോസിയേറ്റ് ക്യാമറാമാന്‍ - റിജോ നെല്ലിവിള, സൗണ്ട് ഡിസൈന്‍ - ടോണി ബാബു, സ്‌റ്റില്‍സ് - നവീന്‍ മുരളി, ഡിജിറ്റല്‍ മാര്‍ക്കറ്റിംഗ് - അനൂപ്‌സുന്ദര, വിഷ്‌ണു സുഗതന്‍.
