ശ്രീനഗർ: ഷോപ്പിയാനിൽ സുരക്ഷ സേനയും തീവ്രവാദികളും തമ്മിൽ ഏറ്റുമുട്ടൽ. ഷോപിയാനിലെ ചൗഗാം ഗ്രാമത്തിൽ പുലർച്ചയോടെയാണ് ഏറ്റുമുട്ടൽ ആരംഭിച്ചത്. പൊലീസും സുരക്ഷസേനയും സംയുക്തമായാണ് ഓപ്പറേഷൻ നടത്തുന്നത്. കൂടുതൽ വിവരങ്ങള്‍ ലഭ്യമായിട്ടില്ല.
കഴിഞ്ഞ 24 മണിക്കൂറിനിടെ കശ്മീരിൽ നടക്കുന്ന രണ്ടാമത്തെ ഏറ്റുമുട്ടലാണിത്. ഒരു പൊലീസ് ഉദ്യോഗസ്ഥനേയും മൂന്ന് ബിജെപി പ്രവർത്തകരെയും വെടിവച്ചുകൊന്ന ഹിസ്ബുൾ മുജാഹിദീനുമായി ബന്ധമുള്ള ഭീകരനെ വെളിയാഴ്ച പൊലീസ് വധിച്ചിരുന്നു.
ഇയാളുടെ പക്കൽ നിന്ന് ഒരു എകെ 47 റൈഫിൾ, രണ്ട് എകെ മാഗസിനുകൾ, 40 എകെ റൗണ്ടുകൾ, ഗ്രനേഡ് എന്നിയവയും പിടിച്ചെടുത്തിരുന്നു.
ALSO READ പിരിയാന്‍ വയ്യ, പിടിച്ചുവയ്ക്കാനും വയ്യ ; പോയ്‌ വരൂ പ്രിയപ്പെട്ട പക്ഷി
