ഇംഗ്ലീഷ് പ്രീമിയര്‍ ലീഗില്‍ ഇപ്സ്വിച്ച് ടൗണിനെതിരെ ആഴ്‌സനലിന് ജയം. സ്വന്തം തട്ടകമായ എമിറേറ്റ്‌സ് സ്‌റ്റേഡിയത്തില്‍ നടന്ന മത്സരത്തില്‍ ഏകപക്ഷീയമായ ഒരു ഗോളിനാണ് ഗണ്ണേഴ്‌സ് ജയം നേടിയത്. 23–ാം മിനിറ്റിൽ കയ് ഹവേര്‍ട്‌സിന്‍റെ ഗോളിലാണ് ഇപ്‌സ്വിച്ചിനെ വീഴ്ത്തിയത്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം
ട്രൊസാര്‍ഡ് നല്‍കിയ മികച്ച ക്രോസില്‍ നിന്നാണ് ഹവേര്‍ട്‌സ് വല കുലുക്കിയത്.ബുകായോ സാക ഇല്ലാതെയാണ് ആഴ്‌സണല്‍ ഇറങ്ങിയത്. ആദ്യവസാനം വരെ ആഴ്‌സനലിനോട് പൊരുതിനിന്നാണ് ഇപ്സ്വിച്ച് അടിയറവ് പറഞ്ഞത്. ഈ സീസണിൽ ഇതുവരെ ഹോം മൈതാനത്ത് തോൽവിയറിയാത്ത ഒരേയൊരു ടീമായി ഗണ്ണേഴ്‌സ് മാറി.
Three points that take Arsenal into second 🪜#ARSIPS pic.twitter.com/Dx3s6XlwQ2
— Premier League (@premierleague) December 27, 2024
കളിയുടെ രണ്ടാം പകുതിയിലും ഗോളുകളൊന്നും പിറക്കാതിരുന്നതോടെ ഏകഗോളില്‍ ആഴ്‌സനല്‍ വിജയം ഉറപ്പാക്കുകയായിരുന്നു.ആഴ്‌സണലിന്‍റെ തുടര്‍ച്ചയായ രണ്ടാം വിജയമാണിത്. ഇതോടെ പോയിന്‍റ് പട്ടികയില്‍ ടീം രണ്ടാം സ്ഥാനത്തേക്ക് മുന്നേരി. 18 മത്സരങ്ങളില്‍ പത്തെണ്ണത്തില്‍ ജയിച്ച ആഴ്‌സണലിന് 36 പോയിന്‍റാണ്.
മറ്റൊരു മത്സരത്തിൽ ബ്രൈട്ടന്‍ ബ്രെന്‍റ്ഫോര്‍ഡിനെ ഗോൾരഹിത സമനിലയിൽ വീഴ്‌ത്തി. ഇരു ടീമുകളും യഥാക്രമം 10, 11 സ്ഥാനങ്ങളിൽ തുടരുന്നു.ഇന്നലെ മാഞ്ചസ്റ്റർ യുണൈറ്റഡ് വൂൾവ്സിനോട് 2–0ന് പരാജയപ്പെട്ടിരുന്നു.
Catch up on all of Friday's Premier League action as Arsenal climb to second, and Brentford repel Brighton ✍️
— Premier League (@premierleague) December 27, 2024
22 പോയിന്‍റുമായി 14–ാം സ്ഥാനത്താണ് ക്ലബ്. കൂടാതെ കിരീട മോഹങ്ങൾക്കു കനത്ത തിരിച്ചടിയായി ചെൽസി 2–1ന് ഫുൾഹാമിനോടു തോറ്റിരുന്നു. 35 പോയിന്‍റുമായി ചെല്‍സി മൂന്നാമതും നോട്ടിങ്‌ഹാം ഫോറസ്റ്റ് നാലാമതുമാണ് നില്‍ക്കുന്നത്.
