മുംബൈ : പ്രതിപക്ഷ മഹാസഖ്യമായ 'ഇന്ത്യ'യുടെ മൂന്നാംഘട്ട യോഗം അടുത്ത രണ്ട് ദിവസങ്ങളിലായി മുംബൈയിൽ ചേരും. യോഗത്തിൽ സഖ്യത്തിന്‍റെ ഏകോപന സമിതിയെ (Coordination Committee) പ്രഖ്യാപിക്കുന്നതോടൊപ്പം ലോഗോയും പുറത്തിറക്കുമെന്നാണ് പ്രതീക്ഷിക്കുന്നത്. ലോക്‌സഭ തെരഞ്ഞെടുപ്പിനുള്ള സഖ്യ തന്ത്രങ്ങളും സംസ്ഥാനങ്ങളിലെ സീറ്റ് വിഭജനവും യോഗം ചർച്ച ചെയ്യുന്നതോടൊപ്പം ഒരു പൊതു മിനിമം പരിപാടിയുടെ കരട് (Draft a common minimum programme) തയ്യാറാക്കുകയും ചെയ്യും.
ലോക്‌സഭ തെരഞ്ഞെടുപ്പിന് മുന്നോടിയായി എൻഡിഎ സർക്കാരിനെതിരെ പോരാടാനായി രാജ്യത്തെ പ്രതിപക്ഷ പാർട്ടികൾ രൂപീകരിച്ച സഖ്യമാണ് 'ഇന്ത്യ' (ഇന്ത്യൻ നാഷണൽ ഡെവലപ്‌മെന്‍റൽ ഇൻക്ലൂസീവ് അലയൻസ്). ഈ യോഗത്തിനുള്ള ഒരുക്കങ്ങൾ മുംബൈയിൽ പൂർത്തിയായി. മുംബൈയിലെ പഞ്ചനക്ഷത്ര ഹോട്ടലായ ഗ്രാൻഡ് ഹയാറ്റിൽ ഓഗസ്റ്റ് 31, സെപ്റ്റംബർ 1 തീയതികളിലാണ് സമ്മേളനം (INDIA Alliance meeting in Mumbai).
-
#WATCH | As he arrives in Mumbai for the third meeting of INDIA alliance, National Conference president Farooq Abdullah says, "I think all meetings are important. This is all the more important because elections are approaching. We will have to prepare the final roadmap now."… pic.twitter.com/MUnfpBQZuZ
— ANI (@ANI) August 30, 2023 " class="align-text-top noRightClick twitterSection" data="
">#WATCH | As he arrives in Mumbai for the third meeting of INDIA alliance, National Conference president Farooq Abdullah says, "I think all meetings are important. This is all the more important because elections are approaching. We will have to prepare the final roadmap now."… pic.twitter.com/MUnfpBQZuZ
— ANI (@ANI) August 30, 2023#WATCH | As he arrives in Mumbai for the third meeting of INDIA alliance, National Conference president Farooq Abdullah says, "I think all meetings are important. This is all the more important because elections are approaching. We will have to prepare the final roadmap now."… pic.twitter.com/MUnfpBQZuZ
— ANI (@ANI) August 30, 2023
ജമ്മു കശ്‌മീർ നാഷണൽ കോൺഫറൻസ് (Jammu Kashmir National Conference) നേതാവായ ഫറൂഖ് അബ്‌ദുല്ല അടക്കമുള്ള നേതാക്കൻമാർ മുംബൈയിൽ എത്തിയിട്ടുണ്ട്. തെരഞ്ഞെടുപ്പ് അടുക്കുന്നതിനാല്‍ ഈ യോഗങ്ങളെല്ലാം പ്രധാനപ്പെട്ടതാണെന്ന് ഞാൻ കരുതുന്നു. ഭാവി പദ്ധതികളുമായി ബന്ധപ്പെട്ട് അന്തിമ തീരുമാനം എടുക്കേണ്ടതുണ്ട്. സീറ്റ് വിഭജനത്തിന് തിടുക്കം കൂട്ടേണ്ടതില്ലെന്നും മാധ്യമങ്ങളോട് സംസാരിക്കവെ ഫാറൂഖ് അബ്‌ദുല്ല (Farooq Abdullah) പറഞ്ഞു.
ഇന്ത്യ മഹാസഖ്യത്തിന്‍റെ സമ്മേളനത്തിനായി എല്ലാ ഒരുക്കങ്ങളും പൂർത്തിയായെന്നും രാജ്യത്തെ വിവിധ പാർട്ടികളുടെ നേതാക്കൾ മുംബൈയിൽ എത്തിത്തുടങ്ങിയെന്നും ഉദ്ധവ് താക്കറെ വിഭാഗം ശിവസേന നേതാവ് സഞ്ജയ് റാവത്ത് പറഞ്ഞു. മൂന്നാം യോഗത്തിന് ആതിഥേയത്വം വഹിക്കുന്നത് ശിവസേനയാണ്. കോൺഗ്രസും എൻസിപിയും ഒപ്പമുണ്ടെന്നും റാവത്ത് കൂട്ടിച്ചേർത്തു.
മഹാസഖ്യത്തിലേക്ക് ഇല്ലെന്ന് തറപ്പിച്ച് മായാവതി : അതേസമയം, ഇന്ത്യ സഖ്യത്തിൽ ചേരില്ലെന്ന് ബിഎസ്‌പി അധ്യക്ഷ മായാവതി (Mayawati, BSP) ആവർത്തിച്ചു. എൻഡിഎയിലെയും ഇന്ത്യ സഖ്യത്തിലെയും ഭൂരിഭാഗം പാർട്ടികളും ദരിദ്ര വിരുദ്ധ, വർഗീയ, മുതലാളിത്ത നയങ്ങളാണ് സ്വീകരിക്കുന്നതെന്ന് സാമൂഹിക മാധ്യമത്തിൽ പങ്കുവച്ച പ്രസ്‌താവനയിൽ അവര്‍ പറഞ്ഞു. അവരുടെ നയങ്ങൾക്കെതിരെ ബിഎസ്‌പി (BSP) നിരന്തരം പോരാടുകയാണ്. അവരുമായി സഖ്യമുണ്ടാക്കി തെരഞ്ഞെടുപ്പിൽ മത്സരിക്കില്ലെന്നും മായാവതി കൂട്ടിച്ചേർത്തു.
ഇന്ത്യയിലെ 26 ബിജെപി വിരുദ്ധ പാർട്ടികൾ ഇന്ത്യ സഖ്യത്തിന്‍റെ യോഗത്തിൽ പങ്കെടുക്കും. കൺവീനർ സ്ഥാനത്തേക്ക് കോൺഗ്രസ് ദേശീയ അധ്യക്ഷൻ മല്ലികാർജുൻ ഖാർഗെയെ നാമനിർദേശം ചെയ്‌തേക്കുമെന്നാണ് സൂചന.
