ന്യൂഡൽഹി : രാജ്യത്ത് പുതുതായി 18,346 പേര്‍ക്ക് കൊവിഡ് സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു. ഇതോടെ ആകെ സ്ഥിരീകരിച്ച കേസുകളുടെ എണ്ണം 3,38,53,048 ആയി. 24 മണിക്കൂറിനിടെ 263 പേര്‍ മരിച്ചതോടെ ആകെ മരണം 4,49,260 ആയി. 201 ദിവസത്തിനിടെ നിലവിലുള്ള ആകെ രോഗികളുടെ എണ്ണം 2,52,902 ആയി കുറഞ്ഞു.
29,639 പേരാണ് പുതുതായി രോഗമുക്തി നേടിയത്. ഇതോടെ, ആകെ രോഗമുക്തി നേടിയവരുടെ എണ്ണം 3,31,50,886 ആയി ഉയർന്നു. 7.93 അണ് രോഗമുക്തി നിരക്ക്. പ്രതിദിന പോസിറ്റിവിറ്റി നിരക്ക് 1.61 ശതമാനമായി രേഖപ്പെടുത്തി. കഴിഞ്ഞ 36 ദിവസമായി ഇത് മൂന്ന് ശതമാനത്തിൽ താഴെയാണ് ഈ നിരക്ക്. പ്രതിവാര പോസിറ്റിവിറ്റി നിരക്ക് 1.66 ശതമാനമായി രേഖപ്പെടുത്തി.
ALSO READ : നെടുമ്പാശേരി വിമാനത്താവളത്തിൽ നിന്നും 42 ലക്ഷത്തിന്‍റെ വിദേശ കറൻസി പിടികൂടി
അതേസമയം, രാജ്യവ്യാപകമായി വിതരണം ചെയ്യുന്ന കൊവിഡ് വാക്‌സിനേഷന്‍ ഡോസുകൾ 91.54 കോടി കവിഞ്ഞു. ഇന്ത്യൻ കൗൺസിൽ ഓഫ് മെഡിക്കൽ റിസർച്ചിന്‍റെ കണക്കനുസരിച്ച്, ഒക്ടോബർ നാല്‌ വരെ ആകെ 57.53 കോടി സാമ്പിളുകളാണ് പരിശോധിച്ചത്. അതിൽ 11,41,64 സാമ്പിളുകളാണ് തിങ്കളാഴ്‌ച പരിശോധിച്ചത്.
