പനാജി : ഗോവ അന്താരാഷ്‌ട്ര ചലച്ചിത്രമേളയിൽ ഒടിടികളില്‍ റിലീസ് ചെയ്‌ത ചിത്രങ്ങളും പ്രദർശിപ്പിക്കും. നവംബർ 20നാണ് 52ാം പതിപ്പിന് തുടക്കമാകുന്നത്. ഇതാദ്യമായാണ് ഒടിടി റിലീസുകളും പ്രദര്‍ശിപ്പിക്കുന്നത്. ഒൻപത് ദിവസം നീളുന്ന ചലച്ചിത്രമേളയ്ക്ക് നവംബർ 28ന് തിരശ്ശീല വീഴും.
കൊവിഡ് സാഹചര്യത്തിൽ നിരവധി ചിത്രങ്ങളാണ് ഒടിടി പ്ലാറ്റ്‌ഫോമുകളിലൂടെ പ്രേക്ഷകരിലേക്ക് എത്തിയത്. ലോകത്തെ മികച്ച സമകാലിക- ക്ലാസിക് സിനിമകളാണ് ചലച്ചിത്ര മേളയിൽ കാണിക്കുന്നത്. 52-ാം പതിപ്പിന്‍റെ പോസ്റ്റർ നേരത്തേ കേന്ദ്ര വാർത്താവിതരണ പ്രക്ഷേപണ മന്ത്രി പ്രകാശ് ജാവദേക്കർ പുറത്തിറക്കിയിരുന്നു.
