ന്യൂഡൽഹി: സിങ്കപ്പൂരിൽ നിന്ന് ഓക്സിജൻ എത്തിക്കുന്നതിനായി ഇന്ത്യൻ വ്യോമസേനയുടെ സി -17 വിമാനം സിംഗപ്പൂരിലെ ചാംഗി അന്താരാഷ്ട്ര വിമാനത്താവളത്തിലെത്തി. നാല് ക്രയോജനിക് ഓക്സിജൻ ടാങ്കുകളുമായാണ് വിമാനം ഇന്ന് രാവിലെ 7:45ന് സിങ്കപ്പൂരിലെത്തിയത്.
ടാങ്കുകളുകളിൽ ഓക്സിജൻ നിറച്ച ശേഷം വിമാനം അവിടെ നിന്നും പുറപ്പെട്ടതായാണ് വിവരം. വൈകീട്ടോടെ പശ്ചിമ ബംഗാളിലെ പനഗഡ് വിമാനത്താളത്തിലേക്കാണ് എത്തുന്നത്. അതേസമയം വ്യോമസേനയുടെ മറ്റൊരു സി -17 വിമാനം ഹിന്ദാൻ എയർബേസിൽ നിന്ന് രാവിലെ പത്തിന് പൂനെയിൽ എത്തിയിരുന്നു.
അവിടെ നിന്ന് രണ്ട് ക്രയോജനിക് ഓക്സിജൻ കണ്ടെയ്നർ ട്രക്കുകൾ കയറ്റി വിമാനം ജാംനഗർ എയർബേസിൽ എത്തിച്ചിരുന്നു.
