ജയ്പൂര്‍: കൊവിഡ് ഗ്രാമീണ മേഖലയിലെ ജനങ്ങളുടെ ജീവിതത്തെ പ്രതികൂലമായി ബാധിച്ചിട്ടുണ്ടെന്നും അതിനാല്‍ അവർക്ക് മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി (എം‌ജി‌എൻ‌ആർ‌ജി‌എ) വഴി തൊഴിൽ നൽകണമെന്നും രാജസ്ഥാൻ മുഖ്യമന്ത്രി അശോക് ഗെലോട്ട് പറഞ്ഞു. മൺസൂൺ കണക്കിലെടുത്ത് വരും മാസങ്ങളിൽ തോട്ടം പണി വലിയ തോതിൽ നടത്താമെന്ന് എം‌ജി‌എൻ‌ആർ‌ജി‌എ പ്രകാരം കണക്കിലെടുത്ത് വനംവകുപ്പും എംഎൻ‌ആർ‌ജി‌എയും ഗ്രാമവികസന വകുപ്പും സംയുക്ത കർമപദ്ധതി തയ്യാറാക്കണം. ഗ്രാമവികസന വകുപ്പിന്‍റെ പദ്ധതികൾ അവലോകനം ചെയ്ത്‌കൊണ്ട് സംസാരിക്കുകയായിരുന്നു ഗെലോട്ട്.
Read Also…..പര്‍ദയടക്കമുള്ള സാമൂഹ്യ തിന്മകള്‍ അവസാനിപ്പിക്കണം : അശോക് ഗെഹ്‌ലോട്ട്
രാജസ്ഥാനിൽ മെയ്- ജൂൺ മാസങ്ങളിലെ അമിതമായ ചൂട് കാരണം എം‌ജി‌എൻ‌ആർ‌ജി‌എ തൊഴിലാളികൾക്ക് ജോലി ചെയ്യുമ്പോൾ വളരെയധികം ബുദ്ധിമുട്ടുകൾ നേരിടേണ്ടിവരുമെന്നും അദ്ദേഹം പറഞ്ഞു. അതേസമയം വേനൽക്കാലത്ത് എം‌ജി‌എൻ‌ആർ‌ഇ‌ജി‌എ തൊഴിലാളികൾക്ക് ജോലിഭാരം കുറക്കണമെന്നാവശ്യപ്പെട്ട് കേന്ദ്രത്തിന് കത്ത് നൽകുമെന്നും മുഖ്യമന്ത്രി നിർദ്ദേശിച്ചു. ഗ്രാമപ്രദേശങ്ങളിൽ അണുബാധ തടയുന്നതിന് ഫലപ്രദമായ പരിഹാരമാണ് വീടുതോറുമുള്ള സർവേയെന്ന് അദ്ദേഹം പറഞ്ഞു. ഗ്രാമവികസനത്തിനും പഞ്ചായത്തിരാജ് വകുപ്പിനും ഈ പ്രവർത്തനം ഫലപ്രദമായി കൊണ്ടുപോകാൻ കഴിയും. ഗ്രാമവികസനവുമായി ബന്ധപ്പെട്ട വിവിധ പദ്ധതികളിൽ സുതാര്യത നിലനിർത്തുന്നതിനുള്ള ഫലപ്രദമായ മാർഗമാണ് സോഷ്യൽ ഓഡിറ്റ് എന്നും ഗെലോട്ട് പറഞ്ഞു.
